[سعيد عوده الحويطي]

اخواني اعضاء منتدى الفطاحلة الكرام اقدم لكم هذه القصيدة بعنوان ( لا تبيح العلم كله)
واللي كتبتها بسبب موقف معين وارجوا ان تحوز على رضاكم

يارفيقي لا تبيح العلم كله=خل بعض علوم في ردن العباتي
احذر اللي لا سمع علم استغله=يدور الغلطات ويفرح بالشماتي
حتى لونه مزح حذرا تستقله=كم سفيها يحسب الغلطة ثباتي
كل هرج يسمعه باذنه يشله=ويوزعه بين الاوادم شايعاتي
لا تغرك نيتك وتقول زله=ما تجي كل النوايا طيباتي
والكلام ان كان ماهو في محله=ينكتب لك من كبار الموبقاتي
والسراير كنز ولسانك يفله=والندم ما يفيد من بعد الفواتي