[الطائر المهاجر]

بصوت الشرهان

ياعلي خل العيد لأم الدناديش=اللي تنظف كل يوم جسدها
2 تبغي تماري ناقضات العكاريش=في كل ملفاح تنقض جعدها
3 العيد عيدالله ولو فات حتيش=من حسبة ايام يمرك عددها
4 نبي نعلمك المساري على الجيش=تمشي ذلولك لين يفتر جهدها
5 خابرك مانت بضاريٌ للمطاريش=نبيك تونس حلوها من نكدها
6 ليله على مسرى وليله مغابيش=وليله نخلي نومها لمن رقدها
7 وليله على تمره وليله على عيش=وليله نوكلك اللحم صيد يدها
8 ياعلي لاجيت العرب لاتجي تيش=خبل ليا جاب السوالف سردها
9 إحفظ لسانك لا يجي فيه تبطيش=تصبح عيونك كايدات رمدها
10 يجيك من ينشدك نشدة تكديش=يبي يسنع هرجة يعتمدها
11 خله يقوم مفلت في يده ريش=يروح منك وحاجته ما وجدها
12 ترى دعابيل الخبول الفوانيش=تبدي بما فيها ولا احد نشدها
13 يجيك واحدهم يورش توريش=سحابته يسبق مطرها بردها
14 واللي لغمقات السوالف مناقيش=قراية الكلمة على اول عددها
15 تجي سوالفهم بضحك وتبهيش=وقلوبهم ما احد يفكك اعقدها