بنشدك يالشعلان من عقب المغيب = لقيت والا شفت او شفت ولقيت(الطامي
البكره اللي وسمها شكله غريب = تلعب طرب وانا من اللعب اعتزيت(الطامي
لقيت شمسٍ شارقة .. نور ولهيب = من شفتها غصبٍ فرحت ومابكيت(الشعلان
ناقتْك ماهي بكرةٍ ياهالاديب = هي شوف عيني فاطرٍ منها دنيت(الشعلان
ياقوم يالشعلان من الها طبيب = من شاب راسه يعرف لطرق المبيت(الطامي
والا انت توك يالسنافي ياعجيب = مازرت اهلا بهلا ولا وادي حفيت(الطامي
انا اشهد انك يالسنافيّ العريب = عندك من الاخبار علمٍ مايهيت(الشعلان
لا لاتمناها بعيد اوقريب = سراب قيض وارض مرعاها هميت(الطامي