تقـول فتـاة الحـي عليـا مثايـل=ولا قايل مثلهـا فـى الحـى قايـل
يالله ان تهيى لـى طـروش لجلهـم=يسيرون ما بين الضحـى والقوايـل
ياراكب ياللـى مـن عقيـل تقللـو=على ضمر شروى الجريـد النحايـل
عليهـا غلمـة لـكـن وجيهـهـم=بارق تـلالا فـى فتـوق المخايـل
على هونكم اوصيكم وصاة ما تضركم=يفرح بها راعـى الثنـا والجمايـل
الـى لفيتـوا سـلـم الله حيـكـم=وصرتوا بجاح فى بيـوت الحلايـل
منكم من يلفى الى بيت الـى عاقـة=من الغم ما هى من المـلاح الدلايـل
كم من صموت الحجل تبلـى بعاقـة=وكم عاقة تبلـى بضـاف الخصايـل
يجيكـم اسـود مـا يـزر ثـوبـه=هبيـل يلعـب بالقلـوب الهبـايـل
تـراه ابـو زيـد الهلالـى سلامـه=راعى الصخا راعى الوفـا والفعايـل
قولوا لابا زيد تـرى الـوادى امتـلا=وكـل شعيـب مـن مغانيـه سايـل
قولـوا لا بازيـد ان بغانـى بغيتـه=وان دور الـبـدلا لقيـنـا بـدايـل
قولـوا لابازيـد ان عليـا مريضـة=عليها من الحمـى خبيـث العلايـل
ابا زيد لو النسـاء تركـب النضـا=جيتك على وضحا من الهجن حايـل
لكن صرير الكور حدري وفوقها=صريخ القطا في محكمات الحبايل
لكن صرير المرو من تحت ا خفوقهـا=محـاور سـدر ضاميـات المحايـل
ولكنها فـى الحـزم الادنـى نعامـة=وفى الحزم الاقصى دق ماش الزوايل
ابا زيد تنسانـى وتنسـى جمايلـي=الله واكبـر يـا نكـور الجمـايـل
ويش انت شايف يوم الارطات بيننـا=يـوم جعـدى فـوق متنيـك مايـل
ويش انت خابر يوم ترشـح ذبلـي=كما يرشح الظميـان باقـى البلايـل
ابا زيد حب النـاس حبـل وينفتـل=وحبـى انـا ويـاك مثـل العمايـل
تنسى جميلي يـوم الارطـات بينـا=يـوم الغطـا عمـا يواليـك مايـل
يبيعون ما باعوا ويشرون ما شـروا=ولا غبـن الا بالنضـا والحـلايـل