شاعرنا بدر الحافي
موضوع دسم جداااا
وانا اقرا الموضوع ياكثر الافكار اللي جت علي بالي وباذكر منها
نقد الذات وهو موضوع صعب كما تفضلت لنحياز الشخص لماكتب ولكن يبقي هو العامل الاهم ان استطاع الشاعر نقد كتاباته بنوع من التجرد
انا من الناس اللي لما اكتب شي اراجع ما اكتب واحاول استخرج الاخطاء قدر الاستطاعه ولكن ..
اري من الافضل ( بعد تجربه ) ان يبقي النص لفتره ثم يتم مراجعته مره اخري ووجدت بهذه الطريقه انه تتضح لي امور لم اكل اراها في وقت كتابتي للنص
وجود الناقد الصريح : مساله صعبه خصوصا الان مع انتشار المجامله لان اللي يصير انك لما تقول رايك بصراحه كثير من الاحيان ياخذها الطرف الاخر بنوع من التشنج واحيانا ناس يزعلون واما صرحوا بهالشي (وصارت معي كثير )
انا واحد من الناس عندما اطرح كتابه معينه والله والله افرح لما اجد انتقاد او ملاحظه سواء وافقتها او ماكانت صحيحه
الجمهور : المشكله الحين شعار هالوقت وللاسف ممثلين ( وما احب اقول مهرجبن)
وقلت في هالمساله قصيده ما اتذكر الا مطلعا
مابقا الا يرقص الشاعر على وحده ونص
او ينكت في سماجه لاجل عين الحاضرات
وبالمنتدا موجوده بس مادري ليه مالقيتها 
المهم ان الجمهور ماهو مقياس صحيح والدليل انه يتفاعل مع قصيده لشاعر مثلا ولايدري شاللي يقوله الشاعر لكن عجبه الالقاء
يعني مثال شف الشعر المشهور ( فلان ) رغم شهرته ماتلقا احد يتذكر بيت شعر له ..
بالمقابل تلقاه يتذكر بيت قديم لشاعر ماعرفه الا عن طريق الكتب لكن لجودة شعره بقي شعره حيااا ( عساي وصلت الفكره اللي براسي )
الملخص اقول ماهو عيب ان الشاعر يتراجع عن بيت كتبه او كلمه او حتا قصيده ان وجدها ماترقي لمستواه
هذا بعض ما تذكرته مما جال في خاطري وانا اقرا الموضوع القيم
تحيتي وواصل طرح المواضيع الشيقه والمفيده
شكرا