جهلتك في عيوني لين قـال الشوق:هـذي هـي = نسيتك مادريـت إن الهـوى لاجلـك بقـى وافـي
قسيت ولاقـوت تصبـر علـى شـد الحبـال يـدي = كتمت وفاض بحر الشوق موجه يكشف الخافي
تعالي واسكني بيت الجـروح اللـي نفسهـا حـي = معـازيـبـك تـرقــب جـيـتـك ياركـنـهـا الـدافــي
أبا أنافس صمودك بالجفا وأخـذ معـك وأعطـي = ابـا انافـس ولكـن مـن نظرهـن طاحـت اكتافـي
أثـر بعـض العيـون اللـي هدبهـا للمحاجر..فـي = كثيـر اللـي يعانـي مـن سببـهـن والله الشـافـي
تأملـت السـراب ولاح فـي عينـي قـراح الـمـي = عديت بلا شعور وجيـت رمضـا والقـدم حافـي
حقيقة لو جفيـت وزاد فـي صـدرك محـل الكـي = فلا تقوى على كسـر الـذي جـاب الوفـا صافـي
حقيقة واسمع اللي عنـده الدنيـا فـلا هـي شـي = تـرى لحظـة تلاقـي بالهـوى مضمونهـا كـافـي