اقتباس:
المشاركة الأصلية كتبت بواسطة نجم الإبداع
قولو ل بن عمار يقبل للقصيد
من بعد طول غياب جاء با القافيه
يامرحبا يالصاحب اللي من جديد
ساق الجزايل بالحروف الظا فيه
ياصاحبي وش صار لي ترسل بريد
تقول وينك رحت عود بعافيه
ما ادري علامك يوم طرقت الحديد
وتبدلت عني جزال ارهافيه
تنشد عن اللي في تويتر بالنشيد
جاريت حرفه بالحروف الدافيه
كنك تغار او لك مع العقد الفريد
معلاق يمنعني من الارجافيه
هذا وانا ماني من اللي به يشيد
من خلف شاشه والمشاعر طافيه
ياصاحبي هات الخبر وانت الرشيد
اللي يقول الصدق والانصافيه
فرصه مع اهل العرف والله الشهيد
مامثلها ل جروح روحي شافيه
|
العفو يابو محمد منشغل شوي
إن بغيت الرأي ،، والعلم الأكيد
مر ّ ،، لوعات المصايب ،، كافيه
ماجت الدنيا ، مثل ماكنت اريد
وربك ،، اللي عالم ٍ ،، بالخافية
آتحرّاها ..!! على جمر ٍ ، وقيد
وعن لذيذ النوم ،، عيني جافيه
حبها ،، مستوطن بحبل الوريد
والحبيبة ،، عن عذابي ،، لاهيه
مع ظروف الوقت والخل العنيد
اغلب ، الأيام ،، ماهي ،، صافيه
وكلما نور القمر ،، جاء من بعيد
قلت ذي محبوبتي ،، جت لافيه
انظم القيفان ،، وتطلبني المزيد
وانقض ،، وافتل ، بيوت ٍ راهيه
جالس ٍمع سجّة افكاري ، وحيد
ساهر ،، وكل ، الخلايق ،، غافيه
وكان قصدك ،، من مجاراتك لغيد
فخذ ،، جوابي لك ،، بلا ، النافية
محمد بن عمار