رقـة الحـس جتنـي فــي لـبـاس مثـيـر = مجمل اعجاب عيني جاب شعري عليه
ذاب حرفـي وقـال اللـي تبيـنـه يصـيـر = وذبت وياه وقلت يصير كل شـي تبيـه
كنـهـا بـيـن عيـنـي والحـشـا تستـديـر = وكنـي اللـي بحبـه جـاه مـن غيـر ليـه
كنـهـا عاذرتـنـي قـبـل تـرســل نـذيــر = وكني اللي عـذر مـن قبـل منـذر يجيـه
رقة الحس جيتك شوق والشـوق طيـر = حط من فوق غصنك عش لـو تلمسيـه
المـسـيـه بـحـنـان وذوق والله يـجـيـر = طالبينـك شفافـة شــوق يكـفـي علـيـه
يـــاورودي وردي جــاوبــي للـعـبـيـر = فتحـي للجمـيـل المسـتـوى واحضنـيـه
الـهـدب كالـرمـاح الواقـفـه بالخـطـيـر = الله أكبر سجود الرمـش وضعـي يتيـه
مـن نونـة ارموشـك مـا لقالـه نصـيـر = قـال دونـك يانفسـي والعـذاب اشربيـه
اشرقي في جبين الشمـس وجـه منيـر = وارفعـي مـن ظـلام الليـل ليـل اهتويـه
والشفـق علمـيـه لـيـا طـلـب يستعـيـر = مـن شفـق مبسـم الشفـه رجـا خجليـه
والثـمـان البـيـاض الناصـعـه تستثـيـر = يشـبـهـك لـؤلــؤ الـبـحـار ماتشبـهـيـه
والله إنـي مثـل قلـب الدويـش الشهيـر = مايـهـاب المخـاطـر لا تـخـافـي عـلـيـه
انـزلــي بالمـنـايـا فــارســك مـايـنـيـر = واصعـدي بالقلـوب وتاجـهـا واعتلـيـه
انفذي في شعـوري واسكنـي بالهجيـر = واصنعي مـن حروفـي درهـا والبسيـه
شاعـر عـاد مايـربـط مـعـاك المصـيـر = والله أنـه حـدا الثنتيـن جـن أو سفـيـه
شاعر ما انجرح بـك جـرح والاكسيـر = والله انـه بلـيـد او مـيـت القـلـب فـيـه
الـصـواب بطريـقـك عـنـه مانستخـيـر = مرحـبـا بالطـعـون وجرحـهـا نشتهـيـه
عذبيـنـي حــلاة الـحـب يـبـدا عـسـيـر = واهجرينـي حـلاوة الهجـر مـا ننتهـيـه
اصدقينـي شـعـور وجامليـنـي عشـيـر = اجمعـيـنـي حـــرام وشتتـيـنـي نـزيــه
بنتظر فـي ظـلام الليـل وامسـي خفيـر = البـس الصبـر كلـه والـعـذاب ارتـويـه
لـو شهدهـا نـزار الشـاعـر المستنـيـر = العـمـى (هـيــك حلوه)قـالـهـا نعنـبـيـه