[الطائر المهاجر]

ما يجتمع مالٍ على غير تدبير= ولا يغتني رجلٍ كثير الشهاوي
فاحفظ لمالك ما يحوجك الى الغير= وتلجأ بذله عند حصني وواوي
في وقت ما يقدّر صغير ولا كبير= لا صار صفر اليد ما له مخاوي
لو هو اخوك وتذكره دوم بالخير= وعنده كنوز وللملايين حاوي
لاجيت له مره بذل لك بتقدير= وبالثانيه ينصحك نصح المداوي
وبالثالثه يعطيك لكن بتحذير = وبالرابعه عذره مولم وكاوي
فارفع مناحيها بعقلٍ وتفكير= فقرش معك تلقاه لاجاك عاوي
وكانك غني لا تفكر بتقتير= انفع هلك واللي به البطن خاوي
وخلك وسط لاتكون عبد الدنانير= ولا مسرفٍ بالصرف للصرف غاوي
المال يرفع كل طبل وطرطير= والفقر ينزل كل حرٍ نداوي