[الطامي]

قصيد لأحد الزملاء اعجبتني كثير لمعانيها الساميه
واحببت مشاركتم بها ؟؟؟؟ وتستاهلون

الفعل فعل وصادق الفعـل لـه قـول= وانـا مـا اقـول إلا كـلامٍ حقيقـي
وماهي غريبه يوم انا اقـول وأطـول=اعرف عدوي كثر ما اعرف صديقـي
ماني بصاحـي بـس مانـي بمهبـول=اشجـع الفايـز ويصبـح فريـقـي
ما اشجع الخاسـر ولا اقـول لحـول=امشـي بـدرب العـز لنـه طريقـي
واظرب خطوط العرض بالعرض والطول=ماني بهـاب ولا بعـد نشـف ريقـي
إلا من اللـي غيـر اعـوام وفصـول=من نـور دينـه صايـرٍ لـه بريقـي
اسـلام واللـي مـا يعانقـه مخبـول=سعادة اهلـه طـارده كـل ضيقـي
ويامن تقول انك على الشعر مسئـول=انا اشهد انـك فـي بحـوره غريقـي
يا مضيعٍ دربـك ودجيـت بأصـول=ومحمـلٍ نفسـك بـمـالا تطيـقـي
العقل يقبل كـل مـا كـان معقـول=بالعـيـن ولا بالدلـيـل الوثيـقـي
منتـه بوالـي لا ولا سيـف مسلـول=تنعـاق بشعـارك ولا انتـه تعيـقـي
ترقص لغيرك لو يطبـل لـك طبـول=إليـن تتعـب مـن زفيـر وشهيقـي
مشلول عقلك ربمـا كـان مشلـول=جاوبنـي بقـافٍ لشوفـه شفيـقـي
شخالتك في وسطها انـت مشخـول=شخل الزمرد مـن حجـار العقيقـي
لنته معـى ذولا ولا انتـه معـى ذول=انت الصفر رقمك وهو لـك عشيقـي
يا عاشقٍ الانـد والمـول بـي كـول=يابـو شعـورٍ بالنعـومـه رقيـقـي
يا مضيع المصري من العـرف بالـزول=تعال عنـدي بحرقـك فـي حريقـي
مغسول يا ابو الهول معزول يـا غـول=ضاعت عليك السالفـه يـا رفيقـي
الدرب وعر ولو غدى الدرب مدهـول=إعرف ثري لو كـان بـردٍ صعيقـي
اصعب صعب في الكون يوجد له حلول=والحـل تهجـد يمكـن انـك تفيقـي
يا مايل بقافك عـن العـدل معـدول=وإلى رجعت لعقلـك انتـه صديقـي
لنا على الاسـلام ونصـول ونجـول=دين الأخـوه ديـن واصلـه عميقـي
نعلـوا بأسـم الله والجهـد مبـذول=فـدوة دمانـا لـو عشانـه تريقـي

لــ/ آلشــآعـــــر:
راشـــد بن سالم آل ســـآلمين البحيح المري
منقوللللله