صاحبي يلبس البرقع ماهي عادة لـه = مير اخذ سلم جيرانه وصارت طبيعه
مثل من قال لاجيت الوطن خذ دلـه = اتبع الناس وان ماطاعك الوقت طيعه
هيه ياللي مكلفكـم علـى برقـع لـه = وسعو قرضته ترى عيونـه وسيعـه
فصلـو لـه حريـر ناعـم مايملـه = حيث بشرة خـدوده بالتأثـر سريعـه
صاحبي لاهرج تشفق على هرجتلـه = من حلاوة كلامه كن هرجـه يبيعـه
ويوم اشوف المحاجر والرموش المظله = وعاتقن كنه رقبة الغزال الرفيعه
ياصلآة النبي وش جمع الزين كله = لو بحليه كنه بالاصايل طليعه
كامل زينه الصافي وهي تستغله = بالعقل والاانوثه والمحاسن فظيعه
عيني الي على شوفه ودود مغله = ماغفى جفنها تمسي وتصبح فجيعه