غنيت ياربعي على السامريه
يمكن تلد العين .. فيا عساها
وصحت باعلا الصوت جات المنيه
وهادم اللذات روحي بغاها
ماشفت بين الناس في الحسن زيه
كل الوصايف والحلا من حلاها
ماكنها ألا ورده .. ابـمزهريه
مالت مع النسمه تناثر شذاها
وسيوف شوقه من جروحي نديه
باقي الرماح المقبله ..واعناها
مذبوح مثل الهدي يوم الضحيه
خده على الرمضى .. يعاين سماها
والشوق يلعبي ضروفي رديه
اسرح مع الرعيان ادوج بحماها
راحت وخلت بين الاضلاع كيه
وجروح تنزف حزنها مع دمها
وقلبٍ تعنى من فراقه خويه
ضاقت به الدنيا .. وهو في رجاها
ورمش عينه بين روحه وجيه
كل ما لمح غيمه .. تهيض وجاها
لا زلت انتظر وجه نظركم في الابيات .. وهل تستحق ان تكون في (الهمس )
مع خالص الشكر والتقدير