هذه القصيده من الشاعر سعد الهبداني
ياضامي الود قلي وش هي أحوالـك=لك مدتن مشغلن بالـي ومشقينـي
ثاني سنه وانت تشكي من غثا حالك=ترا سكوتـك مـع الأيـام يعنينـي
ياهيه وش همك الي مشغلـن فالـك=رسالتي يمكـم تحمـل مضامينـي
عطني علومك ترا قلبي غـدا هالـك=والنوم من سبتـك ماذاقتـه عينـي
ان كان تشكي من الأيام حنـا لـك=أبشر ومنا الفزع ياتيـك هالحينـي
لكـن قلـي وش الـي ماتهيـالـك=أنك كان ودك تريحنـي وترضينـي
حلفت لاصلك لو هو صعباً أوصالـك=بعرف وش اسباب حزنك قبل تدعيني
تمرني طيف في درب العنـا سالـك=وافـز واقـوم لكـن ماتراعيـنـي
بالله قلـي وطمنـي عـن احوالـك=لك مدتن مشغلن بالـي ومشقينـي
وهذا ردي عليه
يامرحبه ومليون مني الي وصالك=ومن مثلهن مليار وكثر السنيني
وعداد نبت الارض وعد ما اندهالك=وعداد ماهلت من الدمع عيني
وعداد حرفن كاتبه في ا رسالك=حروفن لفني هيضن لي كنيني
وتبشري ياحزان بالي انتخالك = يبي عن قلبي ايشل همن دفيني
والفن نعم ياخوي لاجى مجا لك=انتوم هل العدات ونتوم ضنيني
همن ابقلبي عسى هو ما الفا لك= ولادكبك الداكوك الي يجيني
وهنيت انا من هو عن الهم سالك=ماهو ابمثلي في همومه رهيني
وما همني مالن علي ما طرا لك=ولاني علي المقفين كثرت الحنيني
بهاذا زمان اليوم من هو صفالك=يخذ ولا يعطيك ابليا ثميني
ولا تهيض المحزون خلك ابحالك= شكواي للمعبود ورافعى يديني
هو الذي الالكون قادر ومالك=حاصي بحرها مع بشرها اومعيني
هذا جوابي ياسعد عن سوئالك=من صرت انا ومر العنا في يميني