[ضاامية الود]

دنيا اموره تبيد الحال والحيل= كم واحدن مغرور يركض وراها

وكم واحدن يشوف فيها زمن عيل= وكلن بمصلحته يبيع وشراها

وفيها امورن طافحه طفحة الكيل= وكلن من المخلوق بعينه يراها

قلنا وقالو روح رووح مع الريل= كم واحدن له حاجتن ماقضــاها

لاشك شعري صار قطره من السيل= ولايعيب الشعار تذكر انشاها

ولاشك فيها اجواد تحشم عن الميل= اهل الشهامه ماتبحث خفاها

مسيارهم يطربك وزين التعاليل= تلقى الحبابه خلقته ماشــراها

الطيب يرفع صاحبه لنجمة سهيل= والاالردى يوطيه لاقصى مداها

وصلاة ربي اعداد مافييض النيل= على رسولن اية الله قراها[/poem]