[عمر ال شيبي]

المشاركة الأصلية كتبت بواسطة الـزلـزال

بسم الله الرحمن الرحيم

أسعد الله مسائكم وصباحكم بالمسرات

بوح كيبوردي أتمنى أن يصل الى ذائقتكم الراقيه

(بسكات)

بالفرح جيتك مير جيتي بطعنات = الله عليها كيف جارت طعونك
وعودت ألملم جرح قلبي بحرات = وأنسى جمال الصدر وأنسى عيونك
بسكات جيتك وأرحل الحين بسكات = بسكات قبل أشرب بقايا مزونك
وهيهات أعود يم قلبك وهياهات = وهيهات مير الحين مهلك وهونك
لنك بشر قاسي ولا فيك لذات = غير الصدر والعين تبكي جنونك
ولنك بقايا حلم ضاع بدايات = ولنك على مشراف غيري يبونك
ماظن في قربك لقلبي مسرات = ولا ظنتي بموت لا مات كونك
والحين أشوفك يم قلبي بحسرات = كنك تقولي مقدر أحيا بدونك
وش فايدة وأنتي لغيري بونات = وكيف القهر لا شفت غيري يصونك
شكرآ وشكرآ قلتها لك بمرات = شكرآ تري مالي بزايد فنونك
صحيح فيك الصدر والعين بالذات = وغير الصدر والعين معدوم لونك
جيتي بطعناتك وجيتك بطعنات = ماظن طعني مثل قاسي طعونك

صح لسانك الجزل وله نعود