دايمٍ يا شوق شوقي لك جديد
وان سالت العين لك فيها مرد
*
*
لو بكيت دموع عيني ما تفيد
وان شكيت.. الشكوى فيها مَسَد
كل يوم يذوب في قلبي وريد
اتصبر مير ما عندي جَلَد
نار شوقي لك يذوب لها الحديد
وانتثر دمعي على خدي بدد
دايمٍ يا شوق شوقي لك جديد
وان سالت العين لك فيها مرد
دمعتي تنبيك عن حبٍ اكيد
غيرها يا روح روحي وش بعد
كان قلبي قبل عرفي لك عنيد
ما يحن ولا رمع غيرك لاحد
لين طوّعته في حبك يا وحيد
والمحب يطيع محبوبه وَحَد
يا حبيبي غير شوفك لا مااريد
دوك طرفي طايلٍ فيه السهد
يا حبيبي فيك يا حلو القصيد
لو كتبت الشعر في غيرك شرد
اتغنى فيك باشواقي نشيد
باصدق اللي قيل من بنت بولد
كلمات: غيوض
ارجو أن تروق لكم
حــوريــه