ياسعـد والليـل غطـاه البخـور=والمعانـي مـن يمنيـك مترفة
اسقني من " سلافـات " البكـور=أو من الصهباء : نخب المعرفـة 1
عتقوها عـن ضـلالات الأمـور=واستحال الكأس .. هيـا نرشفـه
نـوحُ بـاكٍ أو ترانيـم الحبـور=غير مُجدٍ !! لابو اللـي خلفـه 2
يعني لاتضحـك ولادمـك يثـور=فكـك التعبيـر ولا كفكفـه
وانفجار الحرف أو حرف الفجور=كلهـا سيـان .. نفـس التكلفـة !
نسنس الغربي مع ريـح الدبـور=ودي افهـم بـس منهـو صنفـه ؟!
زي لاقالـوا : تملكـه الغـرور=ليش ماقالوا : مشاعـر مرهفـة ؟
قـدك الميـاس يابـدر الـبـدور=أو بِلَفظٍ : ياحلايـا الزعنـفـة 3
لو أردنا وصف ربـات الخـدور=كان سَمّع الوقت حرفـي شنفـه
الهوى احساس مايبنـي قصـور=لويكـون بشيـك محـدٍ يصرفـه
السواد اغراك يا عمـر الزهـور=والبياض يقول : جتني مصيفة 4
ياغريب الـدار ممنـوع العبـور=دونـك الخـط الحمـر لاتدلفـه
لاتعيـش الوهـم كوكبنـا يـدور=وانتبـه ياصـاح يكفـي فلسفـة
وادفن الاحلام في دنيـا الشعـور=واحتفـظ بالدمـع بالـك تذرفـه
صافي المعنى قبل يـوم النشـور=وزبدة الابيـات .. قصـدي الآنفـة
حظ من رابط على ذيك الثغـور=أو سهر ليلـه يناجـي مصحفـه
1/ السلاف أو السلافة : أفضل الخمر ، والصهباء المعصورة من العنب الأبيض نسأل الله العافية .
2/ كناية عن المدح .. كقولهم : لا أبا لك ، أو منتب صاحي .
3/يقول الدماميون : "روح مع ويهك ياحلايا القِبسة"
أي ياشبيه السلحفاة ! وقس على ذلك حلايا الزعنفة .
4/ انتي يا الدنيا .[/RIGHT][/COLOR][/QUOTE]
الله الله
يا استاذي لافض فوك
ولله درك
وليتك استاذي تفصح عن اسمك ان لم يكن لديك مانع
فهذه الألماسة الخريدة
تنضم الى اخواتها في عقد من الفرائد
وحراام ان تنسب الى غيرك
من اجمل ما قرأت هنا .... بل هي الأجمل بلا ريب
واصل استاذي واشجنا .. وامتعنا
فنحن لك بكل مشاعرنا مصغون
مودتي وتقديري