[الطائر المهاجر]

كان كريم ومعروف عنه الشي هذا وكان يفني حلاله من زود كرمه واخذو جماعته ينصحونه ويقولون له لا بد ان تترك شي لعيالك ولا كنه لم يستمع لهم وصار على طبعه حتى انه كان يمر عليه وقت ما يجد أي شي في بيته له ولعياله رغم انه فارس وشجاع يغزو ويكسب الا ان ما يأتي عنده يذهب لضيوفه ولكل من يأتي اليه
وفي يوم من الأيام عندما عرفوا جماعته ان شايع معاد عنده شي من حلا له ولا يجد مايقدمه لأي صيف يأتيه رحلو عنه وتركوه وحده ثم بعد فتره ارسلو اليه عدة رجال( 10 ) من عندهم ليضيفو عند شايع ولكي يستشعر شايع ويغير من طبعه وكرمه الزايد فلما وصلو وكانو جايين على ركايب وعندما وصلو في مكان قريب من شايع اناخو ركابهم ثم كملو مسيرهم على الأقدام ليلاً حتى وصلو شايع فلما وصلو عند شايع استضافهم وقلطهم وهو يعلم انه ما يملك أي شي فضاقت بهالأرض ولاكن على قولة المثل (القرم منجى والكريم معان )فكما عرف عن شايع كرمه الزايد فقد عرف عنه ذكائه وفطنته فأخذ يشب الضو ويزيدها حتى كبرت وقامو الضيوف ليبتعدو عن الضو(النار) ويجلسون في مكان ابعد شوي من المجلس وفي هذه اللحضة لا حض شايع ثياب الرجاجيل ون عليها اثر الركبيه أي انها كانت متصفطه بعكس من كان يمشي على الأقدام فعرف حيلتهم وانهم اتو راكبين وانهم اناخو ركابهم قبل الوصول اليه فذهب يقص اثرهم حتى وجد العشر جميع فذبحها جميعا واخذ قلوبها ورجع مسرع الى بيته وامر زوجته بأن تطبخ العشاء وعندما قلطهم كل واحد يقول لربعه انا عندي قلب حتى ادركو انه وقع على حيلتهم وذبح جميع ركايبهم ثم قال قصيدته

قال بن مرداس فتى الجود شايع =أشوم كما حر المراقب شام
اشوم عن السفلى وانزل بالعلا =وانا بالعلا من سابق وقدام
لو كل من راد المراجل يحوشها =تلقى بها فروخ الدجاج نيام
أنا من هل الجبلين من روس شمر =عن الودي عاصي ما علي حَكَام
حنا هل المعروف والمجد والفخر =حنا للجمع الثقيل كعام
وحنا هل المنسب عريب ساسنا =علاكم من ترثة الاكرام
وحنا ليا كادت صبرنا لكودها =قول يخلد للجموع علام
وحنا هل البيت الرفيع بشمر =وحنا بالبيت الرفيع دوام
وما دام راسي باق في ذاري الهوى =والخيل فيها سبق وعرام
والسيف هو والرمح والشلف والقنا =تعبل ليوم فيه كرب حزام

إلى أن قال:

يا بنت عمار واخت معمر =يا بنت أجاويد ونسل كرام
لا تلطمين البيت من يم جارنا =بيت بلا جار علي حرام
حلفت ما بقي حلال لوراث =ولا قيل بين الصفتين قسام
غير مهرة صفرا ولدن من القنا =وسيف سنين في يدي غلام
ترى هذا الغي يا داير الغيا =رد على التالي وهن حيام
ومن حسن باحساب الليالي يهيبها =كسباح دش البحور وعام
لابد لي من خامة يذرعونها =يحطون لي منها ميزر ولثام
يملوني مل العجالا لشواتهم =هم عجلين وانا بدار مقام
وكيف اتلي الهون وانهج للردا =وانا عارف مالي بها الديار مقام

وفي رواية اخرى ، قد يكون منها :

يقول ابن مرداس فتى الجود شايع = عذاب النضا في كل ما كانت دايم
انا كماعود القنا زادذرعه =مركاضنا تشبع طيورحوايم
كم عقلة بالقيض بحنا ترابها = بالقيض حادينا هبوب السمايم
وكم عقلة وردها عقب سروة = نسري وولد اللاش بالقيض نايم
ياما قطعنا سهلة مجرهدة =فزج النضا نقطع بعيد الخرايم
انا الفتى من قوم بذارة الصخا = وأهل الصخا ماباق إلا الذمايم
تحيلوابي وصرت انا اطيب حيلة = خليتهم يمشون فوق القدايم
عشيتهم ونعلتهم من ركابهم =عشر نضوات كلبوهن همايم
اليوم ذا يكثر منانة العطا = ومشاورة النسوان سود اللثايم