[الطائر المهاجر]

احب الوفا واتعب على الطيب والعفا = وعرضي عن الدرب المعيب نضيف
أعش الجيران وأكرم ضيوفي = وقت المجاعة والزمن كيسف
وياما غزيت وجبت عيرات النضا = ومن قفي عجلات الركاب زفيف
انا سبرهن لاقفن وانا عقيدهن = وانا الدليله وبالقا ظريف
ادل الوعد واضوي على عزمت العدا = اضوي اذا كان الدليل مخيف
كم منهل شربت مخبث غريفه = لو ماه من كثر العجاج غريف
وكم شيخ قومٍ بالملاقا جدعته = لو صار في يوم القتال عنيف
انا من هل الضلع الطويل البين = الي على كل الجبال منيف
حيد سكن به قبلنا حاتم الصخا = من خلقته للغانمين مضيف
سقاو من نو الثريا مخايل = سيله على كل الديار مطيف
تقافا مزونه لين تخضر جوانبه = تلقى زماليق السليح تغيف
دار بها ربعي ينابيع الصخا = حموا جوانبها بكل رهيف
نطرد الاجناب ماياصلونها = وعسا تسقيها مزون خريف
بايماننا زرق العتل عدلة القنا = من فوقها ريش النعام يغيف
من مات ماحاش الثنا وادرك العلا = ممشاه من جوف العباد ضعيف
وانا بن مرداس فتى الجود شايع = ماصرت يومٍ للهزال وليف