[SIZE="2"]أهلاً .. نكمل القصة مادام فتر حماسكم !! ويوم جت الساعة 1 طبعاً كنت وقتها بسابع نومه .. بس يوم سمعت صوت أحد يدق باب غرفتي .. أمي : لجين .. إفتحي الباب أنا أمك .. إفتحي وقوليلي وش المواد الي سقطت فيها ..إفتحي !! أمي : لجين أفتحي .. أمي : أول مرة أشوف وحدة ساقطة بسبع مواد وتنام !! <<<<< يالله أمي تجرح فيني إلا لازم تذكرني بالسبع مواد .. بصراحة أول ماسمعت صوت أمي طار النوم من عيوني .. بس قعدت ساكتة أفكر وش أسوي .. أنا : لا مابي أفتح .. اهئئئئئئئئئ اهئئئئئئئ اهئئئئئئئئئ اهئ ائهئ .. يمة مرسبيني الله لا يوفقهم .. هئئئئئ اهئئئئ اهئئئئئ اهئ ائهئ .. أمي : طيب أفتحي خلي نتفاهم بسالفة السبع مواد .. <<<<< برضوا تجيب سالفة السبع مواد .. أنا : لا ماببببببببببببببي .. خلني أصيح لين أموت ..خلي العالم يدري أني ضحية دراسة وكلية ظالمة.. هئئئئئئئئئ اهئئئئئئئ اهئئئئئئئئئ اهئ ائهئ .. أمي : طيب تعالي تغدي قبل ماتموتين .. أنا :ما أشتهي غدا ..هئئئئئئئئئ اهئئئئئئئ اهئئئئئئئئئ اهئ ائهئ .. بس والله يعلم كنت جوعانة جوع فظيع و أول مرة تصير شهيتي مفتوحة كذا .. بس يلا كلش يهون وينسحب ملفي من الكلية القرف .. المهم .. يوم طار النوم مني قعدت أفكر بخطة وش بسوي .. أمي للحين ما أقتنعت بأني 3او 4مواد ساقطة ظلم .. وأنا سارحة بخططي شطحت بأفكار شطحة كبيرة تخيلوا وش جا ببالي .. ستار أكاديمي .. ما شفت نهايته .. ههههههههه .. ويوم صارت الساعة 4 قررت بأني أطلع من صومعتي و أقعد عند التليفزيون أكمل البرايم .. ويوم طلعت كان الحظ مبتسم لي إذ أن أمي كانت نايمة بس ماسرع ما كشر الحظ لي إذ أن بقية سكان البيت ماناموا وكانوا عند التليفزيون .. طلعت لهم كلي إنكسار وأنرحم وهم ياعمري أخواتي كل واحدة تهمس لي : - أكيد غلطانين بنتيجتك .. - لجين عادي لاتصيحين ترا أنا ما أحب أشوفك تصحين .. وهذي أختي بالإبتدائي تقول .. -عادي .. في كثير بنات في فصلي كسلانات يسقطون .. <<<< كان ودي لحظتها أكفخها بس .. أما أخوي الي في عمره توهم مافقسوا من البيضة قال .. - لجين .. رديت عليه بلهجة كلها إنكسار وخضوع .. - نعم .. - يقولون أنك راسبة ؟ هههههههه .. صدق ولا لأ .. عاد وصلت معي وودي مو أكفخه ودي أكوفنه .. - لا مو صدق .. طبعاً لا يمكن أكون أنا وياه في نفس الغرفة لا ونطالع نفس التليفزيون فلِذلك طلعت لأقرب تليفزيون وكملت البرايم .. وكما أسلفت سابقاً عن تكشيرة الحظ في وجهي .. ظهرت أمي في الغرفة فجأة .. لا وفي وقت التوب فايف .. يعني حظظظظظظظ يكسر الصخر .. طبعاً حتى لو كنت ممثلة من الدرجة الأولى ماراح يمديني أغير تقلبات وجهي من وحدة متشققة وناسة لوحده مكتئبة تحاول تخفف عن نفسها بأن تجلس عند التليفزيون .. أمي : سبحان مغير الأحوال .. أمداك تنسين أنك ساقطة بـ 7 مواد !!! أنا (وشوي أنفجر ضحك بس ماسكة نفسي ) : أنا ما أصدق أنسى تجين تذكريني .. حسبي الله عليهم .. وشوله يسقطوني بـ 7 مواد لو أنهم مسقطيني 4 كان أهون لي .. مدري وش يستفيدون ؟ أمي : طيب اللحين وش بتسوين ؟؟ أنا : يقول أبوي إسحبي ملفك وسجلي بالجامعة .. أمي : لا سحبة ملف لا .. عيدي السنة !! أنا : لا لا تكفين يمة ماااابي أعيد السنة .. أنا كرهت ذي الكلية .. ما أحبها .. ما أطيقها .. أمي : الي تفكرين فيه موب صاير !! أنا : يمه أنا خلاص أنشل تفكيري من أول ما شفت النتيجة .. بعدين يمه ترا ما صارت كل شوي والثاني تقولين الي تفكرين فيه موب صاير .. ترا بنتحر !! أحم أحم ":" من هنا تتشفر بقية المحادثة .. أمي : 牳郠趄羁ŜＱ셙嶓繒͡垅샴 ؟؟ أنا :駾艠倂쇨蟙蹹涗衲晨둢⇡簀몇襣钁샶鄃觯蕄磛弖먟黄 憐 !! أمي : ㎴뙭雧餀 ؟؟ أنا :♋ أمي : 襓圱왂 .. أنا :脈耋隠愚 !!!!!!!!! أمي : 仪Ġ聰ي쁂 .. أنا :见Кು脌ټ ڂ쀦ઠ 쁄 .. أمي : 耋隠愚 ∑ 铜倃炠炪렡 .. أنتهى التشفير .. أنا : أوف أوف ترا كلامك خطييييير يمة .. وفتحتي عيوني على أشياء كنت مغمضة عيوني عنها .. ههههههه .. يتشفر هنا كلام الماما بس بلغة الآلة .. أتحدى الي يفك تشفيرها .. ههههههه أمي : 1212221212222111221!!!!! 21222111121222111121112121212 أنا : أفكر .. بس ترا مو أكيد .. في هذي اللحظة جا أخوي .. أخوي : يماه .. صدق أن لجين راسبة ؟ أنا : لا ما رسبت .. أخوي : إلا راسبة .. حتى سمعت أمي تقول بـ7 مواد .. ها صدق رسبتي بـ7 مواد ؟ في هذي اللحظة أحس أمي لو تفتح فمها بتنفجر ضحك .. وقررت أكلم أخوي بلهجة سياسية بحتة .. أنا : ":" .. محمد .. مين قال لك هذا الكلام ؟ أخوي : أمي .. أنا : هههههههههه .. يا ذكي أنا أشطر وحدة بالفصل .. إشلون أرسب وأنا شاطرة ؟ أخوي : لآ .. إشلون تصيرين شاطرة وأنتِ دايماً عند الكمبيوتر أو التليفزيون ؟ أنا : لا شف أنا إذا قعدت على الكمبيوتر أصير أذاكر وأدرس .. بس التلفزيون لا هو الي خلاني أصير كسلانة مثلك و يصير ترتيبي على الفصل السابعة .. هههههههه .. عرفت كيف ؟ أخوي : أقوووول .. بلا نصب .. بعدين تراني مو كسلان يا يالراسبة .. طبعاً .. جلست فترة أحاول أستوعب كلامه .. إنصدمت فيه بصراحة .. كل هالكلام يطلع منه .. ما أمداني ابي أمسكه إلا وهو طاير يحتمي بأقرب غرفة .. نرجع لأمي .. أول مرة أشوفها متشققة ضحك مثل كذا .. أنا : يمه أحر ماعندي أبرد ما عندك .. أمي : هاهاهاهاهاهاهاهاهاهاهاي .. أنا : يمااااااه .. تكفين روحي فهميه أني مو راسبة ..قولي له أني شاطرة وترتيبي على الدفعة السابعة .. أنا : يمااااه .. ترا بيفضحني عند الله وخلقة .. أمي : متفشلة .. هههههههه ؟ أنا : لا .. مو متفشلة .. أمي : طيب .. أبفهمه أنك مو راسبة .. ههههههههه .. يالراسبة .. حتى أنتِ يمه .. تخيلوا .. أمي تنعتني بالراسبة .. دقيقة صمت .. . . . . . . . . . نكمل لكم الحلقة الأخيرة من نعم نعم لقت سقطت بكرا أو بعده .. وتصبحون على خير [/SIZE]