!!.. يا بوي حزني فاق عن كل الآفاق ..!!
========================
عقب الظلام وعقب توديع الإشراق ..!!
ودموع ثارت من عنا الوقت خيبه ..!!
سقت المواجع يا يبه وسط الأوراق ..!!
مرثية ٍ بين المحاني عطيبه ..!!
ما عاد باقي داخلي شي ينطاق ..!!
والأرض ضاقت عقب ما هي رحيبه ..!!
من وين ما لد النظر جِدّتِ بعناق ..!!
مصيبة ٍ تتبع وراها مصيبه ..!!
حتى وليف الروح أعلن لي إفراق ..!!
أقفى وخلاني وأشقى صحيبه ..!!
من عقب ما هو إستقرّ وسط الأعماق ..!!
جار الزمن يا بوي الله حسيبه ..!!
راحت سنين العمر أحزان واشواق ..!!
طفل ٍ ورث من كف حظَّه مشيبه ..!!
ماني براجي عقبها بلَّة أرياق ..!!
ولا ني براجي طيب من عقب طيبه ..!!
حزني حملته والجبر طِبّ للساق ..!!
عزِّي لمنهو طِبّ روحه حبيبه ..!!
محروم شوفه والنبض شوق دفَّاق ..!!
ولا حد ٍ يعوِّض في غيابه مغيبه ..!!
كل الوجيه إتشابهت جِلّ ودقاق ..!!
ياالله عسى من لامني يبتلي به ..!!
يا بوي حزني فاق عن كل الآفاق ..!!
وطير السعد بالكون ما عاد لي به ..!!
طبع الزمن قد قلت لي طبع بوَّاق ..!!
والمؤمن اللي راضي ٍ في نصيبه ..!!
منك السموحه يا يبه عِدّ ما نساق ..!!
حبر القلم في فرحته مع نحيبه ..!!
واعداد ما هل المزن والزمن عاق ..!!
من مسندك يا بوي وقت الصعيبه ..!!
كل البشر وقت الرخا تبرق ابراق ..!!
ولاَّ الصعايب ما لها غير هيبه ..!!
أقولها والفعل له ساعة إطلاق ..!!
وكثر الحكي نفسي ونفسك تعيبه ..!!
إن جار وقتك يوم أو يوم بك ضاق ..!!
لي فزة ٍ نجم السما لك تجيبه ..!!
يفداك منهو للشواهيق سبَّاق ..!!
ما هو سواة اللي يدوِّر ضريبه ..!!
وإن كان شمسي يوم ما جادت إشراق ..!!
منِّكْ سموحة روح ماتت صويبه ..!!
قصيدة مررررررة اعجبتني ونقلتها لكم ولااعرف من قائلها
دمتتتتتتتتتتم بخير
بواسطة الخنساء