المفرش الدافي
ياهيه يالي تقول ان مفرشك دافي=ارفق بحالك علام الحـال مِشقنِـه
خلك من الناس مرتاحٍ ولك كافـي=لاتتعب القلب مـع نـاس تهدِنِـه
مايدري ان الردى ماينفعه رافـي=سراب قيعه ضمانه مارتوى منـه
ومادام راسي يشم النود متعافـي=الطيب فعله علي فرضٍ مهو سِنه
لامن زهمني ضعيف القوم لسنافي=ارقى به طويق ماني مخلفٍ ظنـه
عشان لامن غدا لحدي هو الحافـي=تدعي لي الناس واهل الخير بالجنه
ولاصار ذكري تبين ماهو بخافي =ادراه من كلمة ابن فطيس بالدّنّه
جعل الردي جرته يقفي بها السافي=اللي يشوف المراجل ثـم تعدّنّـه
بيته من اخوان شما دايـمٍ عافـي=وماله لغير العوز بالحيل معطِنِـه
ينام مرتاح طرفـه دايـمٍ غافـي=ماهمه اللي عنى صوبـه يردّنِـه
يالله تكافي شرور الوقت ياكافي=وتعين منهو ظروف الوقت حدنه
ياهيه ياللي تقولان مفرشك دافـي=دفاي دعوة ضعيفٍ لـي نفعتّنِـه