[الطائر المهاجر]

دن القلم ياسهيل دامك على البال= نعم الرفيق وزين كل الرجالي
وانقل تحياتي على النت في الحال= للي يظن الطير مابه عدالي
متعودٍ راسي على ثقل الاحمال= وراسي بعقلي مثل راسي الجبالي
ماني من اللي يسحره رنّ خلخال= ولاني من اللي ينخدع بالختالي
في مجلسي ما ارضى على القيل والقال= ولا ارضى الظليمه او هروج الحكالي
مجلس نقا والعدل مافيه اهمال= الحق دربي راسماته فعالي
ومن حاد عنّه خاسر بكل الافعال= ماني خويه لو تحد الليالي
ومن كان في ظنه خبيثٍ وختّال = ياسرع كشفه لو مشى باعتدالي
ولالي بمكنون الخلايق من اعمال= مالي سوا الظاهر بطيب الخصالي
من يظهر لطيبه الاقيه باقبال = ومن يظهر لخبثه فلا له مجالي
اضرب على الكايد ولا هبت الاهوال= ولا اخاف إلا من عزيز الجلالي
انا خوي احرار من ترثة رجال= ماني خوي اللي دروبه ميالي