[الطائر المهاجر]

الى من لفاني الليل واشفقت للكرى = يجي ما ينبّه هاجسي من منامه
اعيش الحزن يمناي والياس بيسرى= وهمٍ يطاردني ولا من سلامه
مواكب تحاصرني إذا ملت للورى= وقدامي الواقع وشايف عتامه
وعجٍ ضرب بالكون واحمرّت الثرى= وليلٍ طويلٍ حالكٍ في ظلامه
ادوّر لعلّ القى بهالوقت من درى = واشوف الخلايق دالهه في غرامه
وانا عارفٍ به شايفٍ كل ما جرى = وقريت اللذي مقبل وخايف ختامه
غدينا بهذا الوقت مطمع لمن ضرى= وحتى لبوم القوم واهل الرخامه
نعيش القهر والوقت بالذل انبرى = ولا فيه من ينقذ بقايا الكرامه
وعدوٍّ بليّا دين في الخلق افترى = وكلٍ يعاني خايفٍ من جهامه
خصيمٍ لئيمٍ للمواثيق انكرى = يهودي بدمّه حقد ورث لعمامه
يعيث الفساد ويظهر الحقد بجهرى= على الدين والأمّه ويشهر حسامه
ويخدع بعض ممن لدنياه اشترى = مثل من خدعهم من طيور الندامه
يحارب جهر ارهاب في السر سخّرَ= بنى كل اركانه وقوّى عظامه
من اللي تبرمج ثم بالجوّ طيّرَ = يحرّك مثل دميّه وينسف حزامه
ولا يدري الراس الكبيره من الورى= ولو سمْع من خلف الستاره كلامه
يوجّه باسم الدين يقتل وينحرَ = وتفتيه في جهله رخوم النعامه
يظنّه جهادٍ يوم بالدار فجّرا = وقتل اخوته والحصن ينوي هدامه
وقتل من يعاهد دونما شرّ يضمرا = نسى اولادنا بالغرب تحت انتقامه
مهو وقت رمح وسيف وابجر ياعنترا= ولا عند خصمك رحمةٍ او شهامه
فلا بدّ من علمٍ به الخصم يقهرى = وتفكير عاقل عارفٍ وش حسامه
فحتى الغنم بالفكر ترقىعلى كرا = وحنّا بليّا فكر نكسب خصامه
نمهّد طريق الخصم من دون نشعرَ= ينفّذ رسومه ثمّ ياصل مرامه
وترى اصلاح تحت سلاح والدم ينثرى= فسادٍ بأرض الله بيّن حرامه
فلو شفت تقصيرٍ على الصبر تؤجرا = فمافيه كامل غير منشي الغمامه
تفكّر بمن حولك من الجار واقصرى= تلاقي بلدنا دوم فوق العلامه
فهذي المساجد بالمصلّين تعمرَ = وكلٍ ورزقه فالمهمّ السلامه
وهذي بلادي تنتخي سرّ وجهرا = ومن خانها ذيلٍ وقطعه شهامه