[الطائر المهاجر]

الشبعه حمراً جياشه = ما يملكها كود الوثقه
والجوع اخد يديم اجواد = ودك ياطا كل ازنقه
ودك ياطا عير ينكر =ومن الصمعا فيه انهقه
نصحت اشويخ بالماضي = يوم هو يبرق مثل الدرقه
ولا يا مقصودي له يا مانع =الاّ محامات وشفقه
يحسب الحرب إلى شبه =اكل لحمٍ وشرب مرقه
ونوم مع خود ناعم =زم ابصدره مثل الحقه
وسط هافي وردفٍ وافي =ولها شي مثل الدرقه
ولا يسعى به رجال =إلا نزغه او زنقه
غرّوه بنقش السروال=وطق الدمّـام مع السوقه
يوم اشتدت معالبها = كل قفّا مثل السلقه
خلى مقضاة ابن درمه =دمه مختلط لعرقه
لا تطلب صلح من جاهل = لين الحرب اتثور اتفقه
ويرش اقبور برجال =أو نعايه واشين اطرقه
ثم اعذل فيهم ياعاذل =تخلا لك الأرقاب اصدقه


اهـــون الامـــور مـبـاديـهـا = قــــدح ولــهــوب تـالـيـهــا
الـفـتـنـة نـايــمــة دايـــــم = مـــار الانـجــاس تـوعـيـهـا
يـشــب الفـتـنـة مــقــرود = يعلـقـهـا مـــن لا يطفـيـهـا
فالـى علقـت ثـم اشتـبـت = بالحـرب غلـيـت مشاريـهـا
لـحـقــت رجــــال اجــــواد = دايــــم تـنـصــا قـهـاويـهــا
ادفـع الـشـر دامــك تـقـدر = حــتــى تـصـيــر بـتـالـيـهـا
وانـظـر رب ينـظـر فـوقــك = يمـيـت الـنـفـس ويحيـيـهـا
واردع نفسـك عـن العيلـه = واحـــذر الـــزود يهـقـويـهـا
فان جك الطلبه في حلقك = فاضـرب بالسيـف معاديهـا
واحــــذر الــزلــه والــذلــه = لـو نصـف اموالـك تعطيـهـا
والسيف القاطـع والعزمـه = لــرقــاب الــضــد يـهـديـهـا
والارنـب تـرقـد مــا تــوذي = ولا شفـت الـنـاس تخليـهـا
والسبـع المـوذي مـا يرقـد = و لا يوطـا بـارض هـو فيهـا
خوف مـن خبطـه بكفوفـه = كــــل يـبــعــد مـنـاهـيـهـا
مــا يـقـرب حـولـه بـديــاره = والـذلـه مــا هــو ناسـيـهـا
[/poem]



لا جاء ثور يخطب بنتك = فاضرب رجله وقل له قف*
والله ما يسوى ملكتها = ولا يسوى قرع الدف
والله مايسوى ضيفتها = ولا يسوى ظلف خف*
يظهر بنتك من بيتك= ويذوقها جوع وحف
ان سلمت من ضرب بايده= ماسلمت من بف و تف
يروحن من بيتك حيل وملاط = ويجن لمك لقح ومردف


احـــد مـبـسـوط ومـكـيــف = يـاكــل ويـنـعـم فـــي داره
لا جـا مـن السـوق مغلـدم = يـلـقـى لــــه درة مــحــاره
يلقـى عـذرا يسفـر وجـهـه = تجلـى همـه هــو واكــداره
مـا يـوم قـالـت وش عـنـدك = ترضـى بايسـاره واعسـاره
ان جــا شــوي قنـعـت بــه = وان مـا جــا شــي عــذاره
واحـد عـنـده ضبـعـة غـابـه = انطـل مـن عنـطـل حــواره
يسمع حسه من بالمجلس = كـنـه فـــي راس الـمـنـاره
تقلـب عيـنـه ثــم تحـضـرم = هـرجـه نـبـذ وبــه حـجـاره
الا ومــع ذا قـشـرا شيـنـه = اشيـن مـن قبعـرة الـغـاره
ايـــــا هــــــذا وايــــــا ذاك = يـــا جــــارك الله بــجــواره