[الطائر المهاجر]

انا هاضنـي بـرقٍ تكاشـف علـى الصمـان=وقـالـوا تخيـلـه وقـلـت يالـربـع بـالـي لــه
تحدر خشوم المزن يشدي حصى حـوران=لزيـز الرعـد وامعرقـب البـرق يوضـي لــه
تمثنى النفود وصار سيلـه علـى ساقـان=وعلـى اضليـع مــارج ضافـيـاتٍ هماليـلـه
تعاوى الحتايف لـي تصفـق علـى الجيّـان=وجغبقـه امتـلـت واصريقـهـا كنـهـا النيـلـه
تملت خباري الصلب وين انـت يالعطشـان=ثـمــان الـخـبـاري تاسعـتـهـن اكحيلـيـلـه
وانا فـز قلبـي يـوم قالـوا علـى السوبـان=مــثــان الـمـعــارج سيـلـتـهـا هـذالـيـلــه
تحـدر شعيـب سديـر سيلـه كمـا الزيـران=تفيّض على ام حجول وخـرّج علـى ميلـه
تمرجح على اليمنى على عقلة الدوشان=نقـرهـا الشـمـال ونـوهــا طـايــلٍ طـيـلـه
رعوا به هـل البـوش العفـر لايحـة وطبـان=يــجــي لـلـطـيـاح ويتـبـعـنـه مـخـالـيـلـه
مداهيل علوى لابـة الشيـخ ابـن سلطـان=زبــون الـحـصـان الـيــا تـبـاعـد زمامـيـلـه
وشـد العمـيـل وشلّـعـت طــرّف العـربـان=يـبـا الصـلـب الادنــا قــدم تكـثـر نـوازيـلـه
الا واهنـي مـن واق مـع كمـعـة القـيـوان=يشوف الرجـوم وشمّـخ القـور تزمـي لـه
الا يـابـعــد ربــــعٍ تـنـحّــوا ورى الـبـرقــان=لــعــل الـحـريّــم يـفــقــدن الرجـيـجـيـلـه
سلفهم قعود وعاسفينـه علـى العمـدان=تبغثـر سلفهـم يــوم بــه شــف بوحيـلـه