القريب يطب

[الطائر المهاجر]

فواتيرٍ كبر ثهلان ما اقدر اسددها = والاسهم خاسره والحر لو مصلوخ يشويني
وورعان وشباب مادروا في حال اسردها= يحسبوني مثل غيري رصيدي بالملاييني

بقى كومة مقاظي ناقصه تعجز تعددها=وكبره كومة (ن) اخرى ولا تحتاج تدويني
ذي الدنيا تبي صبر ولزم انا نجاهدها=ولا من سالم فيها وكل غالبه ديني

[الطائر المهاجر]

هلا باللي يغيب وجيته لازم يجددها = بقاف يحمل همومه مثل بعض المساكيني
اخبر انك ولد نعمه وثرواتك تبددها = وش اللي صار من تالي اشوف انك تواسيني

هلا باللي يهلي بي ولكماته يسددها=يغطيها بترحيب ويبي يظحك ويبكيني
اواسي نفسي وشفتك تشكى من عوايدها=وانا مثلك كثر همي وادور من يشاكيني

[الطائر المهاجر]

وش اللي شيلك همك تفضل ثم حددها = فمثلك تضحك الدنيا بوجهه والمحبيني
تبي زود الدراهم لا تقصر قم وزودها = اراضيكم وخابرها وبساتين من التيني

كثير الناس من جنسك تخاف عيون حاسدها=تكنًز في دراهمها تحت جدران من طيني
وتشكي جور هالدنيا ومن حظ يعاندها=وانا حالي ترى بين ولا يحتاج تخميني

[سناعيس]

الطائر
والطيار
فكلاكما قادر على ان يحلق بنا في سماء الجزالة
الله يقويكم وأنا من المتابعين

تحياتي

[الطائر المهاجر]

انا اشكي من اللي ندفعه كل يرددها = ضرايب مالها موجب فكل الناس زعليني
مدام الله علينا انعم بخيرات ومواردها = فليش الناس ماتعطى مثل بعض القريبني

[نجم الإبداع]

الطائر المهاجر

الطيار

صحت السنتكم

واصلووووووووووووو ونحن سنتابع الابداع


تحياتي واحترامي

سناعيس

تسلم على تنسيقك ومتابعتك


فلاح بن منشار

ما تعودناك متبع وبس لازم يصير لك بصمه


انا خبري بهالدنيا خبت بعيون زاهدها
وزاهدنا رجع يلهث مثل حال المحبين
يغازلها وهي عنده ولاغراظه مجندها
يخفيها على ربعه وكل الخلق داريني