مايبدي المرقـاب غيـر القرانيـس

[الطامي]

من فكر وإدراك ومشاعر وأحاسيس=استنجدت تطلب هجوسـي مددهـا
وبعد أذكر الله واتعوذ مـن أبليـس=أرسم كروكـي خطتـي واعتمدهـا
ولاني ببانيها على غيـر تاسيـس=أحفـظ قواعدهـا وأثبـت عمدهـا
وأن كان مانجحت بكـل المقاييـس=والله ماعاد أكتـب قصيـدة بعدهـا
العقـل حـلال الأمـور الملابيـس=حل الحبـال اللـي تلـوت عقدهـا
والجهل ظلما والبصايـر فوانيـس=ولايعطي الحاجـات مـن لا وجدهـا
من طاع شور أهل العقول الملاحيس=يزرع بـذور المشكلـة ويحصدهـا
ومن لا يخاوي كاسبيـن النواميـس=الـنـاس لايـشـره ولاينتقـدهـا
يامرتجـي مـد اليديـن المفاليـس=من دونها بقعاء تمـد إلـك يدهـا
مايبدي المرقـاب غيـر القرانيـس=اللي ليـا هـدت ينومـس هددهـا
تبغى النصيحة يابعيد المراميـس؟؟=في كل حالة عـز نفسـك تجدهـا

الشاعر الزميل / على العضياني

[نفحات حساسة]

يعطيك العافيه..

وتسلم على نقلك..وصح السان شاعرها

وسلمت..

[الطامي]

نفحات
شكرا لمروركي
ولاهنتي

[داعي الشوق]

صح لساان الشاعر

و سلمت يا بو محمد على النقل الجميل

***********

[الطائر المهاجر]

تبغى النصيحة (كان تبغى النواميس)
في كل حالة عـز نفسـك تجدهـا

شكرا
تحياتي

[منيع]

ياسلام
من اروع الابيات
شكرا ياالطامي
تحياتي

[الطامي]

داعي
شكرا لمرورك
لاهنت

[الطامي]

الطائر
شكرا لمرورك وتعليقك
لاهنت اخي

[الطامي]

منيع
شكرا لمرورك
لاهنت اخي

[عبدالرحمن الصباح]

صح السان الشاعر وسلمت يمينك على النقل الرائع