من أجل حرٍ ما اعتـلا ابيـوم لـه رب

[ماجد المهدي]

هبّت رياح الحرب في داخلي هب = والزير سالم هاضني في كليبه
مقوي وناري في الخلا جمرها شب = حتى اشتعل في لب عيني لهيبه
يا كليب سالم دب في ارضهم دب = ما همّه الفرسان محدن يريبه
وصّيت قلبه بالغزو لين اسلب = جلد الغنادير الحُباله كتيبه
شد العنان وشل سيفه وارعب = لمع السيوف اللي بتغلب تهيبه
من أجل حرٍ ما اعتلا ابيوم له رب = إلا الذي سواه عالم بغيبه
صبب عذابك في العواذل ترى صب = اخلط عنا مرك بعلقم طبيبه
لا بْقى لهم أمّه ولا بْقى لهم أب = لا بْقى لهم شيخٍ تجلى بشيبه
واليوم ابشر بالخليفة المدرّب= أتقن غموض الحرب صوب شهيبه
ابشر بثارٍ ما دنى قبل // ما طب = شراً تأّبط لا ولجل الحبيبه
من بعدكم يا للأسف أخلص وحب = وأخلص بحبه يا سويلم قليبه
لو قلت لك عن وصفها خوفي تتْعب = وانت الذي أمجاد فكرك لبيبه
بفصح لك بوصفٍ وكنه مركّب= محبوك بالإبداع والطيب طيبه
خصرٍ مثلث // مستطيلٍ // مكعّب= لو هو تمايل انفصل عن صليبه
وعيونها قاموس // أطلس // معرّب = كل الزوايه والمزايا رهيبه
أحترت أنا والوصف مني تغلّب = اوصافها يالزير والله عجيبه
تالله ثم تالله منها تأدب = زير النساء خليفتك وا غريبه
ما هِبْت قطٍ للذي قد تعجّب = من أمر زيزومٍ بنيّه تشيبه
أقسمت أني بقتلها أعيش أعزب = والغزو غزوي بالدمى أستطيبه
سم الغضا اروي عروقي وأشرب = وأزرت عروقي ثائراتٍ كئيبه
وأني لَفَاني العمر لجل المحبب = ولأسْقينَّ الأُسْد غلّي وعذيبه
ولأبلغنََ الثار مهما تلاعب = موج السهام بعاتقي أو تصيبه
ثارٍ لظى في خاطري وا تشعب = حلَّلَّه مفتي الجان زكَّى أديبه
من أجل حرٍ ما اعتلا ابيوم له رب = إلا الذي سواه عالم بغيبه

/
\
/
ماجد المهدي

بفصح لك بوصفٍ وكنه مركّـب
محبوك بالإبـداع والطيـب طيبـه

عزالله انه حبك

ماجد المهدي صح لسانك

ابداع وقوه وجزاله

لاهنت استمتعت بالفعل بهذا النص الفاخر

تحياتي

[مبارك أبوظهير]

خصـرٍ مثلـث // مستطـيـلٍ // مـربّـع
لا هـو تمـايـل انفـصـل عــن صليـبـه

*

مـا هِـبْـت قــطٍ للـغـلام الـلـي تعـجّـب




ماجد المهدي ..



أنت شاعر جميل .. رائع وراقي في حضورك ..



وصح لسانك على القصيده الطيبه ..




لكن في ملاحظات على ..



البيت المنسوخ أعلااااااه .. والشطر الذي يليه ..


اما البيت .. فقافية الصدر إختلفت عن قوافي الأبيات الأخرى ..


واما الشطر .. وزنه أعتقد فيه خلل ..



عيد النظر ياغالي .. واتمنى التوضيح .. وسعة الصدر



تحياتي لك ..



مبارك

[النهر الخالد]

الاخ القدير الاستاذ ماجد المهدي


صح لسانك مدد مدد

ذكرتنا بهذا المسلسل الجميل

وانت بوصفك الفريد المنثور على وضح النهار

سجل اعجابي الشديد وتقبل مني فائق الشكر والتقدير

[ماجد المهدي]

المشاركة الأصلية كتبت بواسطة فهدالمطلق

بفصح لك بوصفٍ وكنه مركّـب
محبوك بالإبـداع والطيـب طيبـه

عزالله انه حبك

ماجد المهدي صح لسانك

ابداع وقوه وجزاله

لاهنت استمتعت بالفعل بهذا النص الفاخر

تحياتي

هلا بفهد

صح بدنك ولا هنت

تحياتي لك

ماجد المهدي

[ماجد المهدي]

المشاركة الأصلية كتبت بواسطة مبارك أبوظهير

خصـرٍ مثلـث // مستطـيـلٍ // مـربّـع
لا هـو تمـايـل انفـصـل عــن صليـبـه

*

مـا هِـبْـت قــطٍ للـغـلام الـلـي تعـجّـب




ماجد المهدي ..



أنت شاعر جميل .. رائع وراقي في حضورك ..



وصح لسانك على القصيده الطيبه ..




لكن في ملاحظات على ..



البيت المنسوخ أعلااااااه .. والشطر الذي يليه ..


اما البيت .. فقافية الصدر إختلفت عن قوافي الأبيات الأخرى ..


واما الشطر .. وزنه أعتقد فيه خلل ..



عيد النظر ياغالي .. واتمنى التوضيح .. وسعة الصدر



تحياتي لك ..



مبارك

هلا بمبارك الغالي

مشكور على تنبيهك

وهي كيبورديه

وتم التعديل تدري الاشكال الهندسيه يتلخبطون فيها الكثير

والشطر تم تعديله بعد ... توني انتبهت له والتعجل شين

والمعنى انه من جمال خصرها ما دريت هو مستطيل ولا مثلث ولا مكعب

وهي بالإلقاء اجمل واوضح

تحياتي لك

ماجد المهدي

[مبارك أبوظهير]

والله ياماجد ماعندي ادنى شك في شاعريتك ..



وكنت على ثقه تامه بأن الخطأ المطبعي له دور ..



لاهنت علىالتوضيح .. وعلى سعة صدرك .. وثقتك بنفسك ..



إعجابي .. ومتابعتي .. وتقديري الجم




مبارك

[نجم الإبداع]

ارحب ياماجد


الله عليك

صح لسانك يابحر


ابدعت


لاهنت يالجزل

فائق الاحترام

[ماجد المهدي]

المشاركة الأصلية كتبت بواسطة مبارك أبوظهير

والله ياماجد ماعندي ادنى شك في شاعريتك ..



وكنت على ثقه تامه بأن الخطأ المطبعي له دور ..



لاهنت علىالتوضيح .. وعلى سعة صدرك .. وثقتك بنفسك ..



إعجابي .. ومتابعتي .. وتقديري الجم




مبارك

تسلم يا مبارك

وتأكد ان مرورك وتعقيبك دائماً يعجبني

وكلنا نستفيد من بعض

وما أخفيك في يدي كذا شغله وفي نفس الوقت اكتب القصيدة والتركز بين خذ وهات

لا هنت ولا عدمناك

تحياتي

ماجد المهدي

[الطامي]

المهدي
لله درك من فحل مجاراة طيبه من طيب الى طيب
بدعت فأحكمت وصغت فأجدت
لاهان راسك وصح السانك