عيدكم مبارك

[ابو أنس]

يوم اجي حي الفطاحل ابا عد اليوم عيد=اباسلم واباهني واباعايدهم جميع
ياعسى العيد يتبارك ياعسى الفرحه تزيد=ياعساهم كل واحد منعم(ن) في كل ريع
الفطاحل دون اجامل جمعهم جمع(ن) فريد=نقوة(ن)ربي جمعهم شمسهم تلمع لميع
جيت اهني قلت اهني نفسي وحظي سعيد=بالرجال اللي لهم في القلب مجلاس(ن) وسيع
عندهم زين القوافي عندهم عذب القصيد=عندهم نفح الخزامى عطرهم ينشع نشيع
هيه ياصحاب القوافي هيه ياصحاب النشيد=باجزل الكم في التحيه والعذر كاني سريع

[الطائر المهاجر]

عيدك مبارك وكل العام وانته بالف عيد = الفطاحل في وجودك منعمين في الربيع
لي عودة تليق بهذه الباذخة
تحياتي

[دخيل الازوري]

كل عام وانت بخير
وصح لسانك

[ثار التميميه]

الفطاحل دون اجامل جمعهم جمـع(ن) فريـد
نقوة(ن)ربي جمعهم شمسهـم تلمـع لميـع


صح لسانك

وسلم بنانك

واعتلى شانك

جزله من راس جزل

وكل عام وانت بخير

[أم ريما]

يعطيك الف عافيه

وعيدك مبارك ان شاء الله


قصيده جميله


تحياتي لك...

[نجم الإبداع]

أبو انس


عيدك مبارك وكل عام وانت بخير

الله يعطيك العافيه على هذا الشعور النبيل


تحياتي واحترامي لك

هيه ياصحاب القوافي هيه ياصحاب النشيـد
باجزل الكم في التحيه والعذر كانـي سريـع

الجميل .... ابو انس
ونحن بدورنا نجزل لك التهاني
والتبريكات بعيد الاضحى المبارك
اعاده الله علينا وعليكم بالفرح والسرور

وكل عام وانتم ةبخير

[سناعيس]

أسعد الله ياسعد عيدنا واصبح سعيد= مرحبابك ياهلا عدد نوار الربيع
أبو أنس ياونس من تكشخ بالجديد=جيتك عيد(ن) لنا جعل حاسدنا صريع

كل عام وانت بخير والف صحة وسلامه
وصح لسانك وسلم الله لنا ولأحبابك راسك
وأدامك الله لنا مسعدا وسعيدا

[ابو أنس]

المشاركة الأصلية كتبت بواسطة المشرف العام

عيدك مبارك وكل العام وانته بالف عيد = الفطاحل في وجودك منعمين في الربيع
لي عودة تليق بهذه الباذخة
تحياتي

المشرف العام..........
السباق دائما لكل تواجد جميل ومداخلة مطربه
ليس بمستغرب ان أجدك هنا . بل هو ماانتظرته ورغبته
فلك الشكر ووافر التحية

[ابو أنس]

المشاركة الأصلية كتبت بواسطة دخيل الازوري

كل عام وانت بخير
وصح لسانك

الفاضل دخيل الأزوري......
اشكر لك تواجدك واسعدني حظورك
وكل عام وانت بخير