|*¨®¨*|يا بنت|*¨®¨*|

[يوسف بن صالح]

كان العشم يكبر مـع كـل مـره=اكذب على نفسي واخبـي الحقايـق
اشوفها يم النظـر بـس حسـره=ماقدر اواصلها وأنـا حيـل ضايـق
فيني تصانيف الحـزن والمسـره=أفرح ولكن فـي طريقـي عوايـق
اضحك وقلبي فوق نـاره وحـره=والله ضايق لكـن الشـوف رايـق
يابنت مدري ليه اجـي وآتشـره=وانا ادري اني قبـل اخليـك تايـق
عمر الوفاء لا ماطلع مـن مقـره=ياساكنـة فينـي, تبيـن الوثايـق ؟
ولا اقول : احسن بلاش المضـره=خليني ابعد سايـق الرجـل سايـق
خلي جريحك يضوي الشوق صدره=يصبر على ضرب الرماح الزرايـق
أنـا مسافـر يابعـد كــل دُره=الله يبيـحـك يانسـيـم الحـدايـق
بهـج ودي لـو اطـوف المجـره=يمكـن تنسينـي العنـا لـو دقايـق
باودعك خلي العشـم كـل مـره=يرحل على صوت الألـم والحقايـق

وسلامتكم

محبكم / يوسف بن صالح

[عبدالله البهلولي]

صح لسانك اخي الشاعر يوسف
ابيات في غاية الروعه
بيض الله وجهك ودمت

صح لسانك

القصيده روعه بصراحه

كل الشكر لك

دمت بخير

[الطامي]

اب صالح
صح السانك
باهج ودي لو اطف المجره
الله عليك ابيات طيبة من طيب
رائعة لاهان راسك ياغالي

[علي محمد العتيبي]

بهج ودي لـو اطـوف المجـره
يمكن تنسيني العنـا لـو دقايـق
باودعك خلي العشـم كـل مـره
يرحل على صوت الألم والحقايـق


يوسف بن صالح

ياسلام عليك

ياخي انت مبدع

لله درك من رائع


صح لسانك مليووون



اعجابي واحترامي

فيني تصانيف الحـزن والمسـره
أفرح ولكن في طريقـي عوايـق

يوسف بن صالح

ابيات استمتعت بقراءتها

رائعه في النظم والمظمون

صح لسانك

تحياتي وتقديري

بسجل اعجابي بشاعريتك



قبل ابو مساعد



صح لسانك ولاهنت

[صوت الإحساس]

تعظيم سلام



من القلب صح لسانك





روعه قائلها أروع



فائق الحترام



وصادق المودة

صح لسانك وسلمت

[سناعيس]

صح لسانك يايوسف
على هذه الدرة الرائعه
لاهنت


تحياتي