صدفه

[سمّار]

‏

الصدفه اللي جَمّعت بين الاثنين=رغم الظروف ورغم بعد المسافه
مدري وش اللي سوّته بس للحين = آثارها في حرف شاعر.. وقافه
راحت وخلّت له في القلب حرفين =تنبت زهور من الغلا في شغافه
ورغم انها بشموخها واصله وين=وفيها.... زعامة شيخ كلٌ يخافه
تخفي وجوع وفِي معاليقها لين=وبعيونها. لهفه وشوق... ولطافه
وتحكي حكايتها بنبض الشرايين=وبصدرها بردٍ ....فتنها ارتجافه
راحت وكن برجلها كسر عظمين= رغم انها مثل الفرس بالصلافه
ويروح شاعرها وهو يمسح العين= ظامي ومنها.... ما ظفر بارتشافه
الله يصبّر ........ والله يعين قلبين= والله يسمّح دربها.....يا حسافه

[الطائر المهاجر]

حبك و سبك وجزاله
صح لسانك مدد بلا عدد
لاهنت
تقبل اطيب التحيه

[منيع]

رائع ومميز
ايه الجمال ده ياسمّار
شكرا لك ولحرفك الراقي
تحياتي لكم

[داعي الشوق]

يا حسافه اي والله

صح لسانك ويسعد صباحك ياجزل

دمت ودام ابداعك ولاهنت

[الطامي]

صح السانك سماَر
ابداع مميز
ولاهنت

[عطر الروح]

اي والله يا حسافه

أبدعت حد الثمالة لقلبك 🌹

[سمّار]

المشاركة الأصلية كتبت بواسطة الطائر المهاجر

حبك و سبك وجزاله
صح لسانك مدد بلا عدد
لاهنت
تقبل اطيب التحيه

مرورك تاج فخر
واشادتك نوط شرف تفتخر به ابيات متواضعة
اشكرك على تشجيعك
دمتم

[سمّار]

المشاركة الأصلية كتبت بواسطة منيع

رائع ومميز
ايه الجمال ده ياسمّار
شكرا لك ولحرفك الراقي
تحياتي لكم

تلميذك وأتشرف بمداخلتك
لك تقديري

[سمّار]

المشاركة الأصلية كتبت بواسطة داعي الشوق

يا حسافه اي والله

صح لسانك ويسعد صباحك ياجزل

دمت ودام ابداعك ولاهنت

دام سعدك وعزك

وصح قلبك
شرفتني جدا يا غالي

[سمّار]

المشاركة الأصلية كتبت بواسطة الطامي

صح السانك سماَر
ابداع مميز
ولاهنت

صح قلبك
الإبداع انت منبعه ولاتهون طال عمرك
شرفتني جدا