سلام .. ( أولى المشاركات ) ..

[حمود جارالله المزيني]

سلام من رجلٍ يحب الاجاويد = ويشفق على أهل القلوب النزيهه
الشعر بافواه الرجال الصناديد = الله عليه ان جاك على البديهه
سلاح له حدين من ماسكٍ سيد = والا يعكسه بالمعان الكريهه
موفقينٍ فيه والا مقاريد = سديد راي او من تعالى بتيهه
احدٍ يقلد في قوافيه تقليد = واحدٍ عطاه الله قوافي نبيهه
والناس بالاخلاق من دون تحديد = ماهي سوا مثل افتراقة وجيهه
وابيات بعض الناس مثل البواريد = امـّا على النيشان والا شبيهه
وانا على الشعـّار مالي مناقيد = نفسي على الثانين ماهي شريهه
لي الشرف بلحوق ركب الاجاويد = فطاحله تحمل قلوبٍ نزيهه

ــــــــ
حمود المزيني

[الطائر المهاجر]

هلا ومرحبا بك ياحمود
في محلك وبين اخوانك وربعك
مصافحة رائعة من شاعر مبدع
صح لسانك واعتلى شأنك
مع أطيب تحياتي

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[حمود جارالله المزيني]

المشاركة الأصلية كتبت بواسطة الطائر المهاجر

هلا ومرحبا بك ياحمود
في محلك وبين اخوانك وربعك
مصافحة رائعة من شاعر مبدع
صح لسانك واعتلى شأنك
مع أطيب تحياتي

الطائر المهاجر
شكرا لك على هذا الاحتفاء
لي الشرف بوجودي معكم
تحياتك مكانها القلب ..
ولك مني وافر الاحترام

[مبروك بن ماضي]

الاخ الكريم الشاعر / حمود المزيني
وعليكم السلام ورحمة الله وبركاته
وحياك الله ايها المبدع في الفاطاحله
و ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وترحيبي الكبيرين
أخوك / بن ماضي

[الـزلـزال]

وانا على الشعّار مالـي مناقيـد=نفسي على الثانين ماهي شريهه
لي الشرف بلحوق ركب الاجاويد=فطاحله تحمـل قلـوبٍ نزيهـه

حمود المزيني
مصافحه راقيه ومميزه
من شاعر رائع ومتميز فيماقدمه لنا
أبدعت غالينا
صح لسانك ملايين ملايين
وحياك الله في بيتك الثاني بين أخوانك في
منتديات الفطاحله
تقبل فائق تحياتي وتقديري

[داعي الشوق]

الله الله

يالشاعر حمود المزيني

صح لسانك يالشاعر

و حياك الله يالغالي

قصر الفطاحلة و أعضاءة يرحبون بك أجمل ترحيب

و سعداء بحضورك الجميل

وصح لسانك مدد بلا عدد

و يا هلا بك

،،،،،،،،،،،،،،،،،،،

[منيع]

ياسلام عليك
ابدعت واطربت
ياهلابك
على الرحب والسعه
تحياتي لكم

[عدنان كريزم]

صح لسانك ولا هنت يالغالي

[همس الورد]

صح لساااااانك مليون

و صح بدنك

بوووووووح رائع

يسلموووووووووووا