قصيده ورد

[عبدالله الشويمان]

السلام عليكم ورحمة الله وبركاته..

اليكم هذه القصيده بعنوان (لب الندا) .
وهي موجهه للشاعر محمد الشويمان (الشاكي) .
ويليها الرد منه على القصيده..
وهو حوار دار بيني وبينه في احدى المنتديات..والمضمون في الابيات:
اقول فيها:

سلام يا من معدن الطيب ضافيه=يا الشاعر المحظار للطايباتي
يا نهر جاري وارد(ن) من مصافيه=الخير من خير متاع الحياتي
جمهوركم يالشاكي الود تعطيه=جديد شعرك واظهرالماضياتي
حيثه جميل(ن)واقعي والحلا فيه=ما يلحقه منقود(ن)اومزرياتي
لب الندا فالكل طمعان ترضيه=هات القصيد انفوسنا ضامياتي
لبيه يالشهره اذا منك لبيه=احزم احزامك واصعد العالياتي
واحرص على ذودك وحصن مفاليه=الحق لاهل الحق ماهو هياتي

والنص التالي رد الشاعر الشاكي:

يا مرحبا بك عد ما حنّ قاصيه = قلبٍٍ رهيفٍ ما يفكر يباتي
قلبٍ تلوع يشكي البين راعيه = قلبٍ تقلب في حياة الشتاتي
لجل التوجد يالرعد كيف نحصيه = قلنا مراحب كثر ذيك الصفاتي
واليوم انا حيران وشلون بجزيه = واشلون أسطّرلك ملامح غلاتي
انثر حروفي؟ أفتل الحرف؟ أثنيه؟= أشعل قصيدي؟ انتخي بالدواتي؟
أطق صدري؟ أرفع الصوت لبيه؟ = أرفع يديني واطّلِب في صلاتي ؟
أما قصيدي بارفعه فوق واحميه = وانشر قصيدي يالرعد لا تحاتي
هذا شعوري فيك واخفيت باقيه = داخل ضميري في دهاليز ذاتي

وسلامتكم

صح لساااااااااااااانك ولساااااااااااااان محمد


لاااااااااااااااااهنت يالجزل


تقديري

رشيد الكسر

[نجم الإبداع]

عبدالله الشويمان


صح لسانك ولسان الشاكي


صوت وصداء راقيين



تسلم قلوبكم



تحياتي واحترامي

صح لسانك ولسان الشاعر وعساكم على القوة

[الخنساء]

صح لسانك اخي الشاعر عبدالله
وصح لسان اخي الشاعر الشاكي
قصيدة ورد راقي ورائع
سلمتوا وسلم شعركم
تحياتي للجميع

[الينوفي]

صح السنتكم على هذا الشعر

الشويمان
لك المتابعه

صح لسانك يا ابو بدر

تستاهل اكثر

لا هنت يالغالي

[مهدي الحبابي]

عبدالله الشويمان


صح لسانك ولسان الشاكي


صوت وصداء راقيين



تسلم قلوبكم وبيض الله وجيهكم



لك فااائق احترامي وتقديري

صحت ألسنتكم يالشويمان إخوان ..
صوت وصدى رائع من شاعرين رائعين ..
نفتقد لقصائد الاخوانيات كثيرا ..
عبدالله .. و.. محمد ..
شكرا لكما ,,,,

أخـــ(nadeem)ـــــوكم ,,,,

[ابو أنس]

الفاضل عبد الله الشويمان.....................
جمال البدء وافقه جمال الرد
سعدنا بقراءتكما
لكما التحيه