الضب والبيت

[الطائر المهاجر]

من تصاميمي
ماذا يقول الضب؟؟
المطلوب إن الشاعر يعلق على ما يراه بما يستطيعه من أبيات

الشمس حرتني ونا اطالع البيت = ودي بظله مير خايف من القوم
وودي بفنجال ولكن ياليت = ماتنفع المضهود ولا تفرق السوم

ودي بفنجال تحت ظل هالبيت=واخاف غدرة صاحبه لا درى بي
يصفر بي الكاتم مع الملح والزيت=وانا صغير في بداية شبابي

[سناعيس]

والله يلولا عكرتي كان حليت=ضيف على ذيك المرابع من اليوم
لكن ياربي عكرتي تغري الميت=ومن شافها تقزي عيونه عن النوم

[ابو زياد]

ماعاد لي بين المعازيب مقعاد=من يوم بدوا خايبات النوايا
الي نووني واجهدوا قلبي اجهاد=ياكيف ابااقبل كل ذيك السوايا

[منيع]

شف خيمة المضياف واهل الدلالي=لوجيتها صرت بقدر راعي البيت
مالي بها يامال ريح الشمالي=ماسمعت قول الحي ابقى من الميت

[عبدالله الشويمان]

يا ضب ليت اني حواليك بالخب=كان تغشاني بسمةٍ وش كبرها
ارميك بالبندق لجل دمك ايصب=وقطعك اوصال بقدر اخبرها
يازين كبسه لحمها لحمة الضب=في قدر كاتم ممتلي من عكرها

ههههههههههههههههههههه

[نجم الإبداع]

حرام وش تبغون بالضب مسكين= اشوفكم حوله بسرعه تدورون
لعابكم سايل على عكرت الزين = مابيه لو يدفع على العكره مليون
كنه (حبيني) فوق راسه شياطين=وجدي على اللي صار بالضب مفتون