المملكـة فـي عــزة الله

[عبدالله الشويمان]

بمناسبة اليوم الوطني اضع بين يديكم هذه القصيده...

بسم الله ابدا ثمن آضيف وقول=ابيات شعرٍ جعلها يشرفنـَّا
ثلاثه وعشريـن سبتمبر/أيلـول=من كل عامٍ نحتفـل فـي زمنَّـا
ذكرى بداية لمة الشمـل مدلـول=حب الوطن وموحـدٍ إلوطنَّـا
عبدالعزيز اللي حمل سيف مسلول=بالواحد المعبـود قـال استعنَّـا
يومٍ أمـره الله سـرَّج للخيـول=في فزعة الشجعان ما خاب ضنَّـا
الأربعين اللي لهم فكـر وعقـول=قالو لرياضـك مستعديـن حنَّـا
قال الحكيم اللي له الزند مفتـول=يا لله توافيقـك علـى ما انتمنَّـا
نهم ربوع له فوارس على طـول=ركبوا ظهور الخيل ولا أحدٍ تونَّـا
فزوا كما شهبٍ جماعة بلا فلـول=يسابقون الريح من دون مـنَّـا
والكل بارود ومعه سيف مصقول=وصلف البنادق مع رصاصٍ يخنَّـا
بالرأي والحكمة وتخطيط معقـول=نالوا رياض العز وزانـت وزنَّـا
نادى المنادي صوت عالي ومعدول=الحكم لله ثم لبن سعـود سنَّـا
وصرنا سعوديين كافـل ومكفـول=من فضل ربي ثم من جـاه بنَّـا
ابن سعود الباني أللي له الطـول=عبدالعزيز يمنـى بيمنـاه كنَّـا
وحد ربوع المملكه زين الفعـول=ورفع عليها راية الدين وهَنـَّا
من ذلك التاريخ حولٍ بثر حـول=المملكة في عزة الله فنَّـا
ببناء اخو نوره صفيين العقـول=تطورت فوق السحايب تغنَّـا
حكام شرع الله والعدل معمول=في مملكتنا دون قولت اضنـَّا
واليوم قاد المركبه طيب الزول=عبدالله بن عبدالعزيز ما تونَّـا
اخوانه عضوده على شيل الحمول=والشعب معهم يحتمون لوطنـَّا
هذا وصلاتي عد حامل ومحمول=على النبي اللي لهديه ركنـَّا

وسلامتكم

[سناعيس]

عبدالله الشويمان

صح لسانك
وطنية جزله وتحكي تاريخ مجيد
الله لايهينك يالغالي

تحياتي

[الخنساء]

صح لسانك اخي عبدالله
بيض الله وجهك ولاهان راسك
ويستاهل وطننا
سلمت وسلم شعرك
دمت بخير

عبدالله الشويمان

قصيده طيبه وفي حزتها

صح لسانك

[مهدي الحبابي]

أخوي عبدالله الشويمان

ســلــمـت ودمـــت

صح لسانك وبيض الله وجهك

رايعه ووافيه من وافي

الله يعيد علينا وعليك وعلى الجميع المناسبات العزيزه

لك فااائق احترامي وتقديري

[منيع]

الشاعر/ عبدالله الشويمان
جزلة
ومعبره بارك الله فيك
تحياتي وتقديري

[عبدالله الشويمان]

المشاركة الأصلية كتبت بواسطة سناعيس

عبدالله الشويمان

صح لسانك
وطنية جزله وتحكي تاريخ مجيد
الله لايهينك يالغالي

تحياتي

صح بدنك والله يطول عمرك اخوي

ومبروك الشهر يا الغالي

دمت بخير

[عبدالله الشويمان]

المشاركة الأصلية كتبت بواسطة الخنساء

صح لسانك اخي عبدالله
بيض الله وجهك ولاهان راسك
ويستاهل وطننا
سلمت وسلم شعرك
دمت بخير

الله يطول عمرك اختي

ومبروك الشهر الله يجعله داخل علينا وعليك بالبركه.

دمتي بخير

[عبدالله الشويمان]

المشاركة الأصلية كتبت بواسطة جزاء الحارثي

عبدالله الشويمان

قصيده طيبه وفي حزتها

صح لسانك

صح بدنك يا اخ جزاء الحارثي


واشكرك على الاطلاع وكل عام وانت بخير.

تحياتي

[نجم الإبداع]

عبدالله الشويمان

صح لسانك وبنانك

نص وطني راقي


لاهنت


تحياتي وودي