من عيون الموت للطرف تلويحه

[نجم الإبداع]

سبّح القيطون مره وناداني=قلت عوذا منه مالي بتسبيحه
قالو انه مطرقه فوق سنداني=قلت ماودي بشوفه ولاريحه
قلت ودو القلب صوب اهل بعداني=في جبلهم سد ماودي ابيحه
الغزال الي غرامه قد ارداني=من عيون الموت للطرف تلويحه
جيتهم في عهد فيصل ولا امداني=الشهيد الي يشوق العرب صيحه
قالو انه شد لم اهل همداني =قلت يكفي شم عطره وتصريحه
رحت ابانشد عنه والشوق وداني=يوم ضاع الحب ضاعت مفاتيحه
ويلهم من عقبه القلب برداني=في هجير الصيف يرجف من الطيحه
لاجلهم ماقلبن الا وعاداني= حكمهم من عرش بلقيس توشيحه
كل مالقيطون سبح وناداني=قلت ماودي بشوفه وتسبيحه

[حوريه]

سلمت اناملك على هذا النثر الاكثر من رائع
لا عدمنا طلتك فلاااااح
تحيتي وتقديري
0
0

[خيالة الشعر]

الله

شاعر كبير يانجم الابداع

على اسمك


يطرب الشعر شعري منك والحاني ....... واكتب ابيات شعري واقطف الشيحه

يجرد القاف قافي وارسم الواني ....... وانثني احترام ن لك بتلويحه


صح لسانك

[الطائر المهاجر]

صح لسانك واعتلا شانك
وسلم بنانك وفكرك
تحياتي وتقديري

[منيع]

كل الروعة والابداع
تسلم يابومحمد
تحياتي لكم

[زهرة اللوتس]

صح لسانك
جزلة من جزل
لاهنت
تحية طيبه

[عبدالعزيز العمار]

ياسلااام على الإبداع يانجم

صح فكرك وكلك ولاهنت

تحياتي لك

[سناعيس]

صح لسانك يابو محمد
جزله من شاعر جزل
لاهنت

تحياتي

[عبدالرحمن الغيثي]

صح لسانك واعتلا شانك

[فارس القوافي]

صح لسانك يابو محمد


لاهنت

يعطيك لعافية


دمت بخير