نادت مها ، صوتية

[ماجد الزيد]

نادت مها وياليت ماجاوبتها =حتى اسمع المجنون واغيب وآعود
لحن لحن كايف وتر حنجرتها=ولّادة بقصر وتغني على العود
كذا تصوّت كيف لو طاربتها!؟=والله لسال الضلع وعيونه تنود
سبت معاليقي وعيني سبتها =ودها معي تحكي ونا ودّي بزود
عصفورة وماحلا معي هبهبتها=اصلا قبل تحكي انا رحت بارود
براسي سوالف بس هي كركبتها=ماهي طبيعيّة ولا عيونها السود
انغام في الحانها دربتها =تمشي على النوتة واقدامها تجود
تفصال ردف اليا مشت خربتها =كنْها انحنت للارض يطرق بها النود
اقفت لكنّ بقفايها قرّبتها =واويل ويلي لحالها موت بحدود
غنجا يالولا عظامها كاربتها =ساحت خدر تتعب من الشبر مشدود
حلاوة الدنيا قسم شاربتها *=ومن الدلع امْها وابوها من الخود
كنها على المسرح تغني هبتها =ضمّت مها /والجو حاسد ومحسود
قبل تسمى يوم هي لاعبتها =عرفت ماهي شعب بالش و مقرود
مربيتها بالترف دربتها =من مخمليات العرب تجهل الذود
وادعتها باخلاق ، بس حبحبتها =نفسي فلا خلّت بها شيء مفرود
ونا منى روحي هك اللي كسبتها=عنقا لها في داخل القلب مشيود
احبها وآحب أرض (ا)عتبتها =كلّي فداها يشهد الله ياسعود
لان السما عن كل انثى حبتها=في كل شي يجذب هل الخيل موجود
ان جيت اوصّفها المحاني بنتها=هنا هنا بالقلب شاهد ومشهود
ربيعها وجناتها وأتربتها =امطارها وازهارها وريحة العود
ضحكاتها وآياتها واشربتها =اساساً العنقا من الحور وتسود
كل النسا اشياء داخل كبتها =وهي الأميرة غيرها شي محدود
نادي مها للصبح !روحي كتبتها=عنقاي وأمنعني عن الغي وآعود

http://www.wata.cc/up/2011/11/files/w-cdb8edc419.mp3

[داعي الشوق]

صح لسانك يا بو حمد

و يسعد صباحك يالشاعر

ولاهنت

و صح لسانك

[حوريه]

دره نـادره لله درك
صح قلبك يا مااااجد
أبـداع وامـتاع
تـقـديري

0
0

[روح الشعر]

صح صح لسانك ملايين

جزل دائماً


تحياتي وتقديري

[حي الضمير]

ياسلام ابدعت وامتعت ولله درك شاعرنا النجم ابوحمد
ومدد صح لساااانك يامميز

[الـزلـزال]

ماجد الزيد

نص رائع وجميل
من شاعر متميز ورائع في كل مايقدمه
أبدعت وأمتعت شاعرنا
دمت بخير وسلام ودام لنا حرفك
صح لسانك ملايين ملايين
ولك فائق تحياتي وتقديري