أيـامنـا المقـبــله تغـنيك عــن يــومــك

[طلال العازمي]

السلام عليكم ورحمة الله وبركاته

اتمنى من الإداره تنسيق القصيده لأنه الجهاز عندي معلق وشكراً

لا اجيد المقدمات

فقط :.

يا قلبي اللي يجيني نوب ويروحي=من طاري الزين مو مرتاح في يومك
وياعين مشتاقة إلشوفة دوى روحي=من صدّته ياعيوني خاربٍ نومك
وانا صويبك يبي حبك ومشفوحي=ولا غبت عنّي تذكرت آخر اعلومك
قبل الولع فيك قلبي كان منصوحي=واليوم يا قلب عقب الحب ما ألومك
باب الصبر يا حبيبي دوم مفتوحي=دام الصبر ينقدر والله لا صومك
بس اتأكد قبل لا عود مجروحي=انك على الوعد ما خوّنت بعزومك
وانت تأكد اذا طوّلت مسموحي=وان جارت ايام عمرك عطني اهمومك
يا صاحبي لا يضيّق خاطرك بوحي=وش حيلة اللي تجرّه طيبة اسلومك
*لو جيتني في علومك ينجلي نوحي=ويطيب نومي وأغني في سما احلومك
يا لحظة ابعادنا ما منك مربوحي=ادركت منك العنا والسهر وغمومك
جدر المحبه حبيبي دامه ايفوحي=والله ما همّني لو صرت محرومك
الليل لو كان مظلم يعقبه ضوحي=والبعد لو طال ما يحرمني اعلومك
الحاضر الشين واللي فات ممسوحي=وايامنا المقبله تغنيك عن يومك

[حي الضمير]

الله ياطلال ابدعت وامتعت
ومدد صح لسانك

[وليدالبسطي]

صح لسانك

ياطلال


شاعر مبدع وجزل

ونص عانق السحاب

لاهنت

صح لسانك ويعطيك العافيه

تحياتي

[الطامي]

طلال
صح السانك ملايين
رائعة جدا
لاهنت اخي

[منيع]

مبدع ورائع
شكرا لك
تحياتي

[كظيم]

الله الله الله

طلال العازمــي
سلمت وصح لسانك
قصيده جزله ووافيه ابدعت فيها يالغـلا
تقبلني وتقبل مروري المتواضع لاهنت
ودي وتقديري

[سعيد عوده الحويطي]

صح لسانك طلال العازمي. قصيده جزله من شاعر جزل تقبل مروري

[طلال العازمي]

المشاركة الأصلية كتبت بواسطة حي الضمير

الله ياطلال ابدعت وامتعت
ومدد صح لسانك

مررحبا حي الضمير

لا هنت على مرورك الطيب وصح بدنك

[عبدالإله]

صح لسانك
وصح كلك على هذه اللائقة باسمك وعنوان حرفك
حضوراً رآئع لآهنت
..~ ...