ــ..!(ولاتجعل الدنيا هي أكبر همنا)!..ــ

[عيادة الجهيلي]

ياالله   عفوك    يارحيم    وياغفور    وياودودألطف  بنا  يارب  عن   نارك   وجور   عقابها

حنا   عبيدك   مالنا   غيرك   ولاغيرك    يجودأنت  الجواد  اللي  تغيث  الشمس  بعد  غيابها

أنت الذي تعطي وغيرك بالعطاء وقت وحدودوإلا انت تعطي فوق سطح الارض تحت ترابها

رغم المعاصي والتخاذل في مساحات الجحودندعيك    والرحمه    بأمرك    تنفتح     أبوابها

نركع  لوجهك  وبعد  مانرفع   ينادينا   السجودوننزل  عليه   بدمع   عينن   ودّعت   محرابها

سبحان  ربي  كيف  يعطينا   الهدايا   والورودوحنا    نغلفها    وننساها    ولا    نسعى    بها

يارب   جمّلنا   معك   يارب    يارب    الوجودولاتجعل  الدنيا  هي  أكبر   همنا   نشقى   بها

[داعي الشوق]

صح لسانك و اعتلا شانك يالشاعر

باقات من الإعجاب لك على هذا المعنى الطيب

و طاب حالك ولاهنت

[منيع]

مناجاه اكثر من رائعة
شكرا لك
تحياتي

[نجم الإبداع]

صح لسانك ياعياده

مصافحه طيبه

لاهنت

[حي الضمير]

مناجات رائعه
وابدعت شاعرنا الجهني
ومدد صح لسااانك

[الطامي]

الجهيلي
صح السانك ملايين
ابداع مميز يالغلي لافض فوك
لاهنت

[بنت النور]

مناجه رائعه يعطيك العافيه
صح لسانك مليون مايكفون
لاهنت تحياتي وتقديري

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

[عيادة الجهيلي]

سعود ياتاج راسي انت ومرورك يالغالي

[عيادة الجهيلي]

منيع مرورك تاج فوق راسي يالغالي الله لايهينك