قصيدة الفطاحلة بمناسبة اليوم الوطني

[الطائر المهاجر]

شارك شعراء الفطاحلة في نظم هذه القصيدة
بمناسبة اليوم الوطني للمملكة العربية السعوديه

يوم الوطن عيد المعزه والامجاد= وذ كرى عزيزه في قلوب الملايين
يوم اكتمل بنيان دوله برواد = صقر الجزيره قادهم بالميادين
دولة حضاره والشريعه لها عماد = دولة قويه ما تهاب المعادين
دستورنا القران من عهد الاجداد=و سنة رسول الله و بالحكم راضين
بالعزم و الايمان و سيوف حداد=و العدل ساس الحكم و حماية الدين
امن الحسا للخرج لا قلعة جياد=لين الوديعة لا ظبا لين دارين
نسقي ترابه دمنا جمع وافراد=وارواحنا دونه حصون وسياجين
حنا رصاصً له وحنا له زناد=وحنّا بنادق له وحنّا نياشين
وحنّا الصواعق نحرق اللي له يعاد=وحنّا الزلازل والغرق والبراكين
لا دمدم العادي بهرجه والاحقاد= بالفعل دمدمنا وقلبنا الموزاين
ما ننخدع من طعم ماكر وحساد= نمشي ثباتٍ وما نداري المحابين
نحمي حمى الاوطان من عصف وارعاد= وبالعدل نمشي في طريق النبيين
من خلقة الدنياوحنابهااسياد=والله جعلها قبلة للمسلمين
في حبها ماحتاج برهان وسناد=اطهر بقاع الارض وحنا موالين
بلادي هواها صفدالقلب بصفاد=ومن لامني فيها قليل البراهين
رجالها وافين في كل ميعاد =مايخلفون الوعد للعهد وافين
ماهمهم واشي وحاقد وحساد=على هدى سيد المخاليق ماشين
يا دار ميلادك لنا خير ميلاد=فرحة وطن غالي منول و ذلحين
يحفظك ربي من تدابير الاوغاد =ويحفظ عليك من الرجال الميامين
يالله عسى ايام الوطن كلها اعياد=في ظل ابو متعب زعيم السلاطين

[داعي الشوق]

رووعه يا بو عبدالله

صح لسانك و لسان كل المشاركين

و كل عام والوطن بخير و اوطان المسلمين

[منيع]

وطن الامن والامان والعطاء يستحق كل خير
دمت شامخا ياوطني الحبيب
شكرا للجميع
تحياتي

[عبدالله السويلم]

صحت السنكم جميعاً

باقه معبره عن الحب والولاء لهذا الوطن المعطاء




تحياتي للجميع

[بنت النور]

صح لسانك
نسأل الله العلي القدير بأن يديم الامن والامان على وطننا الغالي
وارفع اجمل التهاني والتبريكات
لملكنا الغالي الملك عبدالله حفضه الله ورعاه وللمواطنين كافه.
ودام عزك يا ملك.

[ساهر الليل]

فكره انت راعيها يابو عبد الله

وقصيده وطنيه رائعه جداا

عسا الله يديم على بلادنا الاعياد

والامن والامان والرخا الدائم

ولكل من شارك اصدق التحايا والتقدير

[عبدالعزيز العقيدي]

دكتورنا الغالي
تسلم وصح السانك
دائما كما عودتنا سباق للأوله
دم بحضن الود والتقدير

[محمد بن عمار]

ياسلام يادكتور سلمت على
هذا الجهد الرائع وكل شاعر
شارك في هذه الملحمة الوطنية

[عبدالمحسن الرحمه]

ياسلام عليك شاعرنا القدير والله يعز الوطن

[خالد محمود الفردي]

تهنا بلاد العز وتظل أفضل بلاد يحفظها ربي من شر كل عين
بلاد الكرم والجود رجالها شداد على راسهم ابو متعب بسيفين
..........

إهداء بسيط البيتين وإن كانت الأبيات لا ترتقي لكنها مجرد تعبير عن حبي