الا ياطارد الدنيا ولا تدري بك المطرود

[الطائر المهاجر]

الا ياطـارد الدنيـا ولا تــدري بــك المـطـرودتمـهـل فـانـت مــا تـقـدر بآمـالـك تجاريـهـا

تبـي عـز وتبـي جـاهٍ ونجمـك دايـم بصـعـودوتلعـب بـك خوينـه ويــن ماتتـبـع خطاويـهـا

فقبلـك غـرت رجـالٍ ثقـاتٍ بالـمـلا وعــدودتلاقـوا تحـت اديـم ارضٍ مشـوا يـومٍ بعاليهـا

تـرى دنيـاك جسـر تعبـره لـلآخـره مـمـدودفـلا تتركـه يـهـوي بــك لـنـار يــوم تصليـهـا

ولو تجمع كنـوز الأرض يـومٍ بالثـرى ممهـودفـلا تخـدعـك ضحكتـهـا اذا زانــت مواريـهـا

فحكّم عقلك الواعي قبل ما تصبح المصيـودوخـذ مـن دنيتـك لـلاخـره تكـسـب تواليـهـا

عليـك حقـوق لا تجهـل لـربٍ واحـدٍ معـبـودمعك من وين ما تمشي ونفسك عالـمٍ فيهـا

فراقب كل خطواتك ترى حولك الوف شهودمـن لسانـك الـى شعـرك واســرارٍ تخبيـهـا

ترى الدين النصيحه انتبـه لاتجهـل المقصـودلمن شفتـه مشـى بـدروب تاخـذه بمهاويهـا

حذاري من يبيع الديـن لـو قالـوا بعلمـه زودتشوفـه كـل يـومٍ فـي قنـاة الخـلـق يفتيـهـا

ومـن حطـوه ببنـوكٍ يحـلـل مايـبـوا بـركـودومن يفتي لاجل ياصـل وظيفـه دوم يرجيهـا

ومن يخدم عدو الدين مـن مستعمـرٍ ويهـوديشعـلـل كــل يــوم لفتـنـة مـحـدٍ يطفـيـهـا

يخلي مسلمٍ يقتل لمسلـم عـن حمـاه يـذودباسـم ثـورات مرسومـه وصهـيـونٍ يواليـهـا

الين اليوم اصبحنا شتات ومـا بنـا مـن فـودمابيـن القتـل والتشـريـد مـانـدري بخافيـهـا

بسبـة مـن يبيـع الديـن جمّـع للـعـدو جـنـودعلـى كيفـه يمشيهـم ويـهـدم فــي مبانيـهـا

[منيع]

اجدت واصبت كبد الحقيقة
تسلم يادكتور
تحياتي لكم

[ساهر الليل]

الله اكبر

نص رائع من شاعر بارع

صج لسانك وقلبك

ولاهنت يادكتور

[داعي الشوق]

المشاركة الأصلية كتبت بواسطة الطائر المهاجر

صح لسانك و فكرك يا بو عبدالله

و طاب حالك و فالك

ابداع و طرح رائع لمشكله يعاني منها المجتمع

ولاهنت و صح لسانك

[عبدالله السويلم]

صح لسانك يادكتور

جزله وهادفه

لافض فوك

تحياتي لك

[الطائر المهاجر]

شكرا منيع
على كريم المتابعه
لاهنت
تحياتي

[الطامي]

تـــرى دنـيــاك جـســر تـعـبـره لـلآخــره مــمــدود

فــلا تتـركـه يـهـوي بــك لـنــار يـــوم تصلـيـهـا

ولو تجمع كنوز الأرض يومٍ بالثـرى ممهـود

فـــلا تـخـدعـك ضحكـتـهـا اذا زانـــت مـواريـهـا

صح السانك دكتور
ابدعت وصدقت لافض فوك
شكرا لك

[حي الضمير]

ترى الدين النصيحه انتبه لاتجهل المقصودلمـن شفتـه مشـى بـدروب تـاخـذه بمهاويـهـا

ياسلام ابدعت ياشاعر الحكمه
وعوايدك ياعلم
لافض فوك

[عناد الرواد]

كلام يملا الراس

واقع مشهود

ومنطقي مدخال ومطلاع

دكتور لا هنت على هالذرابه ويا زين القصيد لا جا من هل القصيد

[نجم الإبداع]

صح لسانك يادكتور والله يكفينا واياك من شر الدنيا