ذا زمان مد رجلينك بطول الحافك

[الطامي]

ذا زمان مد رجلينك بطول الحافك = يخلف العاقل ويضيَع بالصلاة اليمَه
والله انه مايعصب بك ويوجع راسك = كون منهو ولد شيخٍ وان بخسته رمه
ان حكى ضيَع معاني هرجته ثم حاسك = وان قويته بالكلام تخاف من المطِمَه
والمصيبه لاغدا من قومك ومن ناسك = ان تراخيهنت تعدا وان غلط ماهمَه
وانت محسوبٍ معرَب ساسك ومغراسك = والخبل هافي وفعله شاهدِه فيه امَه
البلا لاجاك منهو مِخلف هقواتك = كان ضنك به جميلٍ مثل عصابة عِمَه
تحسبه حزام الظهر اذا المصايب جاتك = واثره رفيق الفهاني ماينوش الجمَه
دام ذا طبعه ومثله لايعرف غراَتك = انتبه لاتقرب الهايش ينوشك سمَه
مثل هذا ودك انه ماهو وسط بلادك = من يسوي خير يقبل والردي يِزتمَه

[الطائر المهاجر]

دام ذا طـبـعـه ومـثـلـه لايـعــرف غــراَتــك
انتـبـه لاتـقـرب الهـايـش ينـوشـك سـمَــه

سلمت
وصح لسانك
ولاهنت

[منيع]

جزل ومبدع ياالطامي
كل الشكر والتقدير لكم
تحياتي

[داعي الشوق]

الله المستعان .. ضاعت شيوخها مع دلوخها يابو محمد

صح لسانك مدد

جزل وابدعت ولاهنت

[الطامي]

الطائر
صح بدنك
وشكرا لمرورك
لاهنت

[الطامي]

منيع
صح بدنك
وشكرا لمرورك
لاهنت

[الطامي]

داعي الشوق
صح بدنك
والله المستعان يابو سعد
شكرا لمرورك
لاهنت

[بنت النور]

صح السانك ملايين
لاهنت
جزلة من جزل لافض فوك
تقديري واحترامي

[الطامي]

بنت النور
صح بدنك
وشكرا لمرورك
لاهنتي اختي

[خالد محمود الفردي]

صح لسانك شاعرنا الراقي وأستاذنا الكريم منصور
تحياتي ..