المال لاصار خيالته رقاده..للطاشين الشعر

[الطامي]

المال لاصار خيالته رقاده=تهوى عليه الحناشل ثم تقفي به
حتى الشعر تاخذه ماهي بنشاده=لازان نظمه وتصويبه وترتيبه
حسبي على تويتر الماخوذ وأجناده = ماكان بأقصى الكُره تبغيه ياتيبه
سهَل على الناس مال الغير وزياده = ومن هو لقى له ذهيبٍ قال حلَيبه
الناس مرضى ومن له درب يعتاده = مايدري انه هوى والناس تدري به
مسيلمه مات لكن بقيو احفاده = تلقى التراحيب من هوجا تهذري به
ياحادي العيس دربك مظلم وساده = من اين ماجيت جينا لك بتصويبه

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

مبدع ياالطامي
وياكثرنشالة الشعر من تويتر وغيره دون نسبه الى قائله
شكرا لك
تحياتي

[الطامي]

تسلم بو حمد
وما عليكم زود
اي والله ياكثره
لقيتهم اليوم لاطشين كم بيت ومنزلينها بتويتر وفيس بوك ... وهذا اللي سبب القصيده

[الطامي]

المشاركة الأصلية كتبت بواسطة الطائر المهاجر

جزله من راس جزل
صح لسانك واعتلى شأنك
ولاهنت
تحيتي واحترامي

صح بدنك دكتور
وشكرا لمروك استاذي
ولاهنت

[داعي الشوق]

الله يعين يابو محمد

وصح لسااانك ياجزل

ابيات قوية

[الطامي]

صح بدنك بو سعد
وشكرالمرورك
لاهنت