يالفطاحــــــــــــــل

[متعب المتعب]

يالفطاحل تعالوا .. والمنادي مكث=يستحث القوافي ... ياسعد من بناه
تتبع الناس من يوصف بخلق دمث=يفرقونه مثل فرق القمر في سماه

\
\

[الطائر المهاجر]

مكَث
دمِث :
القافية غير متناغمه ، ولن تعطينا المجال للإطاله فقافيتها قليلة جدا ، وش رأيك
يالفطاحل تعالوا .. فالمنادي ينادي
يستحث القوافي ... ياسعد من بناه
تتبع الناس من يوصف بخلق ريادي
يفرقونه مثل فرق القمر في سماه

[متعب المتعب]

ياهلا بالمهاجر لك قدحنا الزنادي=والله انك خوي(ن) .. عالي(ن)في سماه
غابة الرمث غابه ما يجي به سوادي=يصطلي نارها منهو طمع في دفاه

[ماجد المهدي]

يا هلا بالمتيعب والفطاحل سعادي = والمهاجر فؤاده يا سعد من شراه
قال لي انه الطائر وانا بي عنادي = ودي لو يوم اقطع جانحه في هواه

[الطائر المهاجر]

الفطاحل بمثلك مثل أصيل الجيادي = لاحقات سابقات كالبدر بأجمل سناه
نخبة من نفيس الدر بالدر شادي = من رجال وكواعب والفكر في بهاه

[متعب المتعب]

شايبن وشتبيبه مايرد المعادي=ياعسى الله يعينه واصلن منتهاه
راح وقت الفتوه والقنص والهدادي=كل شنطة زهابه دبلتين وعصاه

[ماجد المهدي]

المشكلة يحسْب انه بفهد الفهادي = لا وهو طير شيبه يا اخي ويش بلاه
لا ضحك سنته تلقى كسور وسوادي = بس يا خوك قلبي فوق هذا فداه

[الطائر المهاجر]

ما سمعت الحكيم بقولته من جدادي = ضلع عود ولا ضلعين من اللي تباه
جيلكم صار ضايع في زمان الترادي= بين "بيتزا" و"برقر" خاسر من شراه

[متعب المتعب]

جيلنا جيل علم(ن) والحضاره وكادي=والصناعه وغيره من صنوف الحياه
جيلكم ماعرف إلا حياة البوادي=لو مرضكم تفاقكم مالقيتوا دواه

[الطائر المهاجر]

مااستفدتوا من علومٍ بحضر وبوادي= كل واحد يبي له كرسي من صباه
هاتوا اللي اخترعتوا غير صحن وبوادي= كل شئ موفر ما تعبتي وراه