الحــــــــــــــــوراء

[ماجد الزيد]

السلام عليكم ورحمة الله وبركاته

خفيفة ارجوا ان تحوز على رضاكم
وان ترقى الى ذائقتكم

http://www.ue11.com/folder1/almenhaly_KDWqY4SRqI.rm

مالي بصيحات الغزل لاوربي=لكنني مما رأيته وشحته
لاهو موشّح لا ولا هو بغربي=لاهو بشرقي من خيالي شرحته

بالامس في قفرن خيالـن سرمـدن=بالامس شعري بالدماء جاء منشدن
بالامس تنعانـي الثريـا والجـدي=بالامس تنعانـي القرايـا والمـدن
بالامـس نبئت بعلم(ن)انـنـي=لا قبلي بن انثى ولا قبلـي ولـدن
هل قومي قومي يال قومي اخبـروا=قولوا لقومي مـا قويـت تجلـدن
هلـوا علـي القبـر ان ماشفتهـا=هلوا علي الموت قارب مـن لـدن
هنّوفتـن لاخـايـر ولا بـايـرن=يالطفها لب الحسـن بـه جمـدن
اصبيتـن مـن جنّـة الله رمحهـا=قد صابني بالقلـب حـد وسـددن
لصبيتن حـوراء كـن فـي خدهـا=شمس الضحا والجسم من جنة عدن
والله ماظنيـت ان فــي مثلـهـا=بالارض حورن فالبسيطة يوجـدن
قولوا لعامر يركـز المـوت بلـدي=قولوا لعامر ينعى راسـي لا فقـدن
عامـر فلاترحـل بعيـدن دن لـي=يابـن الاكـارم لاتـروح ودن دن
عامـر ولا تنعـانـي لا تنعانـيـا=عامر فينعانـي كـل علمـن لـدن
عامر وتكفى بـاي ارض ضعنهـا=عامر وعس القوم فـي اي المـدن
والله كن القلـب عقـب المغتـرب=كوز(ن)مجخّا من عذابـه بالصـدن
مالوم عينه لـو يشـق وينشلـق=مالوم حالـه لـو ينّـوح بالشـدن
هني من قلبه مـن الحيـد انبثـق=شق اتسق عق اتفق وفـق البـدن
والله ماحالـي بعـدهـا يافـتـى=الا يتيـم(ن)لاذو اهـل ولاحــدن
خلقت نساء الارض من طينن وهي=مـن زعفـران احمر(ن)متـوردن
والريح مسكن قد تخالـط بالدمـاء=مسكن غزاليـن وشايـع اسـودن
والعين ويـل الحـر لامنـه شهـر=يطيـح مغشـي منهـا متـعـددن
لامن مشت كـن اليديـن مخلعـه=من الكتـوف البعضهـن يتـوددن
والصدر منها عن ظهرهـا بـارزن=واطر جيبي مـن البلـى لاتـرددن
لو مـرت بـوادن قفـارن هالكـن=غنت حيود الـواد طـرب وغـردن
لاتعذلـون الليـث لاطـب ميتـن=لاتعذلونـه طـب منهـا موسـدن
ماجاب راسه قرم قـوم ولا حـدى=رمحه عدى الا غدى سعيـه سـدن
لكنـهـا والله جـابـت عمـتـي=في ذمتي واضحيـت منهـا مـددن

[منيع]

اخي ماجد الزيد
ابيات قويه
ولغه شعرية فريده من نوعها
اسمح لي بالوقوف امام هذا النص طويلا
حتى اتزود لغة وجمال
تحياتي

[عبدالعزيز العقيدي]

صح السانك
رائعة
شامخة بشموخ
كاتبها

تحياتي لك

[عيد بن سعدون]

بالامـس نبئت بعلمن انني
لا قبلي بن انثى ولا قبلـي ولـدن

صح لسانك ولا هنت

امتزجت بروح الفصيح

وتوشحت ديباجة الشعبي

يعطيك العافيه

اخوك
عيد بن سعدون

[ابومياس]

اخي القدير ماجد الزيد

نص رائع ووشامخ

قصيدة جزلة من جزل

صح لسانك

دمت بخير

[عبدالله راشد الثويني]

كلمات رائعه تدل على حسـن ذوق الشآعـر بأختياره لهذه المفردات المميزه

سلمت اناملك اخي الغالي ماجد وصح الله لسانك ولا عدمنا جديدك

تحيتي لك

[ابو أنس]

الفاضل ماجد الزيد..................
أعرف ان ثنائي واطرائي لن يضيف لجميل ما تقدمه شيئ
بل هو احقاق حقيقة واثبات واقع
ولكنه لي يمثل الكثير ان أقف امام نص متميز وشاعر فذ
لك كل الشكر

[ماجد المهدي]

ماجد الزايد

قصيدة تدل على شموخ شاعريتك

صح لسانك يا القرم

ولا هنت

تحياتي

ماجد المهدي

[الخنساء]

صح لسانك اخي الشاعر ماجد

لاهان راسك قصيدة رائعة


سلمت وسلم شعرك

دمت بخير

[نمرالعوين العتيبي]

مااجد اللله يسعد مساااك


ويسلم رااسك ولله درك على هالراااااااااااائعه والله قمت الرووعه
صح لسااااانك ملياارااات وعسااك على القوووه


اخوك نمر العتيبي