بعض الرجال الواحدة ما تكفيه

[الطائر المهاجر]

بعض الرجال الواحده ما تكفّيه = يطمع بزود ولا فتهم وش مصيره
احدٍ فؤاده ني والزين يغريه = يبغى بتال العمر ورده صغيره
ويمكن بداره مهرةٍ حيل تغليه= دين وجمال وخلق حرمه ستيره
مايدري إن الورد شوكه يخبيه = ويذبل ولو يسقيه احلا غديره
ويبقى التشابه لكن الجهل يعميه = فاللي صغيره يوم تصبح كبيره
ما ينتبه قلبه ولا العقل يحميه = يتبع هوى نفسه ولو هي غريره
وحدٍ حداه الجال مما يعانيه= مع وحدةٍ تمشي ولكن ضريره
لا كثروا الورعان تبدا توطّيه = تقلب مثل حرباة وقت الظهيره
تبغيه كبشٍ تمسكه مع علابيه= مادام معها الجيش صارت اميره
تحسبه هرشٍ ماحدٍ يوم يبغيه= تامر وتنهى ولا تبي تستشيره
ولا من قرصها بضرةٍ دوم تشنيه= وتبدا مع الورعان كلٍ تديره
كلٍ غدا ينهشه والكل محريه = مكينةٍ للصرف لو هي كسيره
وكل يتشاوى منه ما كان يعطيه= وكل يشوفه يظلمه دون غيره
فالورع لامّه دامها اللي تربيه= وياويل من ضمّه ويرجي لخيره
ولو اظهرت لك حب فالكره تخفيه = دامك حرقت قلبها بالصغيره
ما عندها غير الورع دوم تحشيه = يحقد عليك ولا تنبأ مصيره
يتعبك في ممشاه يمعن تحدّيه = ويمكن يشوّه سمعتك والعشيره
عمرك على الحرات والغبن تقضيه= يدّك قصيره لو عيونك بصيره
حسن اختيارك في البدايه مواريه= تبين لك لو بعد مده قصيره
ونزله من اوّل سلمٍ كنت ناويه = ولا طيحةٍ من بعد ترقى خطيره

[الأموره]

لا كثروا الورعان تبـدا توطّيـه
تقلب مثل حرباة وقـت الظهيـره
تبغيه كبشٍ تمسكه مـع علابيـه
مادام معها الجيش صارت اميـره


لووووووووووول ،،

ربي يسعدك دوم يالعم ،،

صح لسانك و علا شانك ،،

الف شكر لك ،،

دمت برعاية الخالق ،،

[عبدالرحمن الصباح]

ماعندها غير الورع دوم تحشيه====يحقد عليك ولا تنبا مصيره
والله انك صادق يابو عبد الله جيت على الجرح صح السانك وعلا شانك وربي انك مبدع استاذي الغالي