(( محمّد بن صالح العُمري)) صوتيّـه !!

[عبدالرحمن العمري]

بسم الله وحدهـ
أعود لكم بقصيدهـ ،، ((بعد قصيدتي المحذوفه)) بدون سبب واضح
قديمه بعض الشيء و لكن لا أعلم بالضبط لماذا جاء الإختيار عليهاا في هذا الوقت !!
و الطرق مطروق و لي تجربه قديمه جدا ً معه سبق و عرضتهاا
للشاعر الكويتي الرائع /سعود المحجان
و لكنّي كنت أعتبره ( بدعه ) لـ كوني لا أعلم بـ طرقه من قبل غيري إلى أن أتى هذا اليوم ،،
( فاعلاتن / سداسيّه ) مروبعه ،،

0
0
0
قلت /:
0
0

غنّت حروف القصيد و لا جديد الاّ علوّ ٍ كلّ يوم ٍ في مزيد=فرحة ٍ بسمك يزيّن لا تبيّن قافها من شافهاا قصر ٍ مَشيد
كنّي اكتب و الورق و الحبر يعتب لين قلت بصبر (يالك من عنيد)=وش تبي قال اَعتبي يوم اسمه ابطى مختبي وادري بمثله ما يهاب
قلت ياحرف ٍ تعجّل ما تأجّل مثله آغرّ ٍ محجّل في الجنان=اسمه اسمى كلّ الاسما بل و اسمى من سميّ السيف واسمى من سِنان
له على غيره مكانه لو مكانه من تشبّث في مكانه ما يبان=منزل ٍ ما حازه الاّ من تعلّى دونه اسمع لا و كلاّ ياا جراب !!
هو محمّد لو تعمّد غيره يسمّي محمّد ما يحمّد لو يطير=لا أمير و لا وزير يصير مثله لو يصير و هو فراشه من حصير
من خلقه الله عزّ ٍ فوق عزّ ٍ ما يهزّ و لا يفزّ الاّ نصير=لابس ٍ ثوب المهابه من شبابه لو يشبّه ما يشابَه بالسحاب
لا مشى كلّ ٍ غشاه من التواضع ما غشى كنّه من ارباب العروش=به تزين ارض ٍ وطاها من عَلِيها لا وطاها تحكي الوجه البشوش
له مَقام ٍ له مُقام ٍ من توزّى فيه يآمن من خصيمه لو يهوش=كيف و الاّ سيف يآخذ للضعيف من القوي لينه يعيف بْلا حساب
أكرم ايدين الخلايق كفّه اليمنى فَيُسراه اَن تَلَت مدّ اليمين=مدّها مدّ ٍ جليل ٍ متّصل مدّ ٍ جزيل ٍ ما حصل ( للساااااائلين )
يبطي اللي ذاقها يشتاقها من غيره امّا ساقها له كلّ حين=مَ اتبَع الجنّه ممنّه يوم كلّ ٍ ظنّ ظنّه و اندحر ظنّه و خاب
سيّد ٍ ساد بْوفاه ان جاد ما جاد بْخفاه و كنّ سرّه في صفاه=يلتقي ضيفه بريفه في شتاه و في خريفه مقبل ٍ ما قد جفاه
باسم ٍ له قاسم ٍ واسم له الواجب و حاسم نفله وْ فرضَه كفااه=ما رضى باللي يجود يْعود زود و لا قضى من زود لوّه يُستتاب
كنّ بينه و المراجل خوّة الراجل لراجل عاجل ٍ دربه طويل=خطوَها يحداه خطوَه فانت خطوه و انت خطوه لا تِقِف و الاّ تميل
لا تقدّمها خدَمها و ان تقفّاها شفاها مثلما شفّ العليل=لا كسَبها كاسب ٍ منها و لا هي كاسد ٍ لا من كسبها بالحراب
لا نصيتَه سابق ٍ صوته و صيته مستطير ٍ و ان عصيته مستخير=مقبل ٍ خيره و شرّه مدبر ٍ لا دِبّرِت ثمّ ادبَرَت شرّ ٍ و خير
و ان تمادى مَن تمادى ما ثنى عزم و تهادى داله ٍ و الاّ قصير=فارك ٍ خشم الكبير و خاشع ٍ فيه الصغير تْحير عينه ما يعاب
ما مشى بالعايبه و الخايبه عقل ٍ يردّ السايبه ردّ الهجوس=حاشم ٍ نفسه رفعها لا وضعها من وضعها جاهل ٍ قدر النفوس
حايشِنها عن وضيع تطيع و الاّ ما تطيع مورّدِنها للعبوس=كنّ بيديه الغمام و صام عن عكر الكلام و شام عنهاا للثواب
ما يحال ان قال طال و متبع ٍ بالفال فال ان خال برّاق و بريق=ما ثناه اللي جناه و مَدّ عينه يستهينه لا شَرَق رقش ٍ بريق !!
لا بغى موج ٍ طغى فوج ٍ تحزّم للوغى ساعة رغى من لا يطيق=موقف ٍ له يحتميه و كنّه الاّ ( معن ) يوم الطعن مَدريّ الجناب
ذاك ابو صالح محمّد لا يبَس عرق ٍ و همّد شيخ و ابن الشيخ شيخ=اشهد إني ما مدحته معتلي و المَدح تحته مزنة ٍ يوم الصريخ !!
شيّ بقلبي يروج بْ عوج دونه زوج زوج يموج موج و له طبيخ =لين صبّيته قصيد آصيد معناه اصطياد بلا زناد و لا حراب ،،

و سلامتكم

[الطائر المهاجر]

هلا بك أخي الفاضل
التعليمات لدينا تمنع الهجاء او استخدام
مفردات يراد منها النيل من خصم معين
وهذا سبب حذف قصيدتك السابقة
ولأن مشاركاتك لم تصل ل50 فليس
لديك خاصية الرسائل حتى يراسلك
المسؤول الذي طبق التعليمات وحذفها
وكم كان بودي انك ترجع للتعليمات
لتعرف ماللشاعر وما عليه
لاهنت
ولي عودة لهذه القصيدة
تحياتي الطيبة

[الخنساء]

صح لسانك اخي الشاعر عبدالرحمن

لاهان راسك قصيدة راائعة

سلمت وسلم شعرك

دمت بخير

[الأموره]

صح لسانك ملايين ،،

سلمت يالشاعر ،،

الف شكر لك ،،

دمت برعاية الخالق ،

[ابومياس]

اخي العمري

اهلا وسهلا بهذا الحظور

نص جزل

وطرق جميل

صح لسانك ودام حرفك

دمت بخير

عبدالرحمن العمري

صح لسانك

ابيات جميله ونظم رائع

لاهنت

لك التحيه والشكر

[الطائر المهاجر]

كتبت فأبدعت

جزلة من راس جزل وشاعر مبدع

صح لسانك ولا هنت

تحياتي الطيبة

[عبدالعزيز العمار]

الاخ عبدالرحمن العمري ...

صح لسانك لاهنت ...

تقبل اجمل تحية ...

[مبروك بن ماضي]

الاخ الفاضل الشاعر / عبدالرحمن العمري
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[نجم الإبداع]

عبدالرحمن العمري

صح لسانك على الطاروق المبدع

وانت شاعر ملهم

والقافيه بيتين بيتين وهذه صياغه جديده بالنسبه لي

الا ان وزن القصيده ليس به خلل

واما ابداعك فشهادتي فيه مجروحه

لاهنت

وكل عام وانت بخير


تحياتي وودي