الــــعـــــــــوازم $$$$$$$

[عيد مشعل]

أسعد الله أوقاتكم بكل خير

قصيده على النهج القديم


أرجو أن تنال على إعجابكم

ياصـاح صلحلنـا فنجـال محكـوري=عله يـداوي همـوم القلـب وجراحـه
كوده يبـرد ويطـرد كـل حاشـوري=كيفـي وطبـي أدلال الهيـل فواحـه
وهات القلم وأكتب إللي قلت بسطـوري=مثايلن تطـرب السامـع لهـا راحـه
ومبداي ياصاحبي في راس مزبـوري=خالي مـن النـاس وزواره وسواحـه
واحالي إللي غـدا ناحـل ومقهـوري=والجفـن مايهتنـي بالنـوم ومراحـه
والدمع مني كما الأمطـار مغـزوري=والقلـب ياكـم مـن البـراق مالاحـه
من وقت فيه الجعاري صارت نمـوري=والرجل ينقاس بالميـلان واربـا حـه
لولاي أسج القدم في تالـي عصـوري=لعـل همـي يخـف إيـزول قداحـه
في عالي الرجم وأنظر كل منظـوري=والفكر طيـرن وهـم القلـب ملواحـه
الصبر محمود والشـي فيـه مقـدوري=بصبـرك تبـا تقـدره والله وتجتاحـه
ويازين ممشى بخايـع تـو ممطـوري=ماجا ه راعي معه ضا نـه بمسراحـه
أمنـاي خـوة سنافيـن ومنـعـوري=وألا الردي يتركونـه فـوق طراحـه
والطيب إللـي يقـوم بواجبـه فـوري=حين بشوشن وتستـا نـس لمرواحـه
وأنبيك عن رفقـت البـلاس مثبـوري=لاعـز نفسـه ولايفرحـك بافـراحـه
والناس أجناس فيها أصناف وجـذوري=والخيّر إللـي يصلح الله بمصلاحـه
وألا الهبايب تراهـا تنعـش شعـوري=وأغطس بفكري وَأقوم أسبح بمسباحـه
فيه أتصور واراجع ما ضي عصوري=ورسوم ربعن وتاج الفخر ووشـا حـه
أذكارهـم بالفعايـل ورد وصـدوري=بوقت الجهل بيـن مذبوحـن وذباحـه
ياكم شيخن ذبحنا وكـم مـا سـوري=وبالطيب صافين مثل الوبـل وقراحـه
وبيتن على العز والنا موس معمـوري=منصى ومزبن دخيلن تهـوي أرماحـه
يزبن على الطيب وفريسن على مهوري=أحماة وضحن عليها المـوت وجناحـه
سادات في وقت مهتاشـن ومسعـوري=يوم الجزيره علـى حـرب وترناحـه
عوازمـن بالـزم محـزم ومذخـوري=من حطهـم فزعتلـه حصـل سلاحـه
راحوا بعز وشرف مع طيب وسروري=وبقو لنـا ذكـر تاريخـن بمصباحـه
ياالله تجازيهـم الإحسـان والحـوري=يامنشي السحـب ويامرسلنـا أرياحـه
ونعم كل القبايـل مـا بهـا قصـوري=كلن يمينـه علـى الطـولات شواحـه
واليوم في نعمتـن والشـر مدحـوري=في حكم عودن عسى الفردوس مرواحه
حكمه بشـرع الله القـران دستـوري=وأغلق شرور العرب والخير مفتاحـه
وعقب سيوف عدلـن تقسـم ظهـوري=الكل منهم رجـح بالطيـب مرجاحـه
أل السعود السعـد والكـل مفخـوري=إمزبنـة كـل مضيومـن وصيـاحـه
الله يبقيهـم إلنـا سنيـن ودهــوري=ياالله يلـي عليـك الأمـر وأصلاحـه

وتقبلوا تحياتي

عيد مشعل

[مبروك بن ماضي]

اخوي المبدع :
الشاعر / عيد مشعل
الف صح لسانك على هذه الرااائعه ..
سعدت بقراءتها وتشرفت بحضوري الباكر هنا
سجل اعجابي وتقبل تحياتي وتقديري
أخوك / بن ماضي

[عيد مشعل]

مرحبابك مبروك بن ماضي


تحياتي لك

والنعم بك ياعيد بن مشعل


وبربعك


وضح الله لسانك



تقبل احترامي

[صنداح الزلامى]

الشاعر / القدير عيد بن مشعل

صح لسانك مدد بلا عدد قصيدة جزلة من شاعر جزل


تستاهل الا شادة بها وبشاعرها صراحةٍ


دمت بخير

[الطامي]

عيد بن مشعل
صح السانك وبنانك
ولاهنت
وكمان شكرا لك عيني على الأبداع المستمر

[وليدالبسطي]

عيد مشعل



صح لسانك يالشاعر



قصيدة جزله من شاعر جزل








اخوك









وليدالبسطي

[الخنساء]

صح لسانك اخي الشاعرعيد
لاهان را سك قصيدة رائعه
سلمت وسلم شعرك
دمت بخير

[صوت الإحساس]

صح لسانك وتم تعديل
والناس أجناس فيه أصناف وجـذوري (فيها)
والخير إللي يصلحـه الله بمصلاحـه(الخيّر ..يصلْح)
لاهنت
تحياتي

[ابومياس]

صح لسانك ياعيد

نص جميل

دمت بخير