إنتهى .. غرآآمي ..

[عدنان كريزم]

صباحكم عسل يا آحلى صباح ..


آبيات آتمنى ان تصل لو لربع الذائقه العاليه هنا ..


آبيات تلامس العاطفه وتبعد عنها .. آلالاف الاميال ..

علموني وش اسمّـي مـن تـرك حبـه وراح=وعلمونـي وش اسمّـي إلـي قلبـه (مستبيـح)
ما اقـول إن المفـارق حالتـه حـال إرتيـاح=وما اسمّي مـن يعانـي بعدهـم (بالمستريـح)
ما سمعنا عن وِليدٍ رضعته جُرعـت (صيـاح)=وما سمعنا عن وِليدٍ طول عمره مـا (يصيـح)
لو عشق فالليل عاشق عشقهم يصبـح صبـاح=ولو يعشق الصبح عاشق عشقهم مالـه صبيـح
كن حياتـي مـن بعدهـا غلّفوهـا (فالوشـاح)=وعلقونـي فـي حبـالٍ مـن ترايبهـا تزيـح
لو آكابر يـا حبيبـي مـا آكابـر (فالجـراح)=طول عمري في (سكوتي) مو على شكلي صريح
شف حياتي يا حبيبي نغمها صـوت (النـواح)=وشف حياتك يا وليفي ما يصـح إلا الصحيـح
لو بقارن في وجودك عـن وجـودي فالقـراح=كان ما يمسي (المهلهل) ليلتـه عنـد الضريـح
مو نهاية دنيتي لا غبتـي عـن هـب الريـاح=والجبل يبقى جبل ما يزعزعـه هبـات ريـح
دام حظي في حياتـك جرّبـه حظـك وطـاح=يمكن إن الحظ مع غيري ما فكـر (فالمطيـح)
الكرامـه فالرجـل اعلـى مقاييـس الـسـلاح=من جرحها في مرضها آعلنت وقت (النطيـح)
يا (عزائي) في غرامـي إنتهـى حـد النجـاح=وإبتـدا (ميّتـم) هيامـي فـي لياليهـا يصيـح
لا تحاول في رجوعك ضربتـك مثـل الرمـاح=علّمت في صدري إلي غبنتـه مثـل الطريـح
يا مصارع (هاجسي) بيـن التشـدد والسمـاح=يمكن (ارجع) يمكن (ابقى) والاجابه مـا تُريـح
علموني وش اسمّـي مـن تـرك حبـه وراح=وعلموني وش اسمّي حالتي يـا آهـل الفصيـح

إعذروني ع القصور ..


آخوكم ..

فريد الحرف ..

[عبدالله راشد الثويني]

صح لسانك وعلى شانك نفس طويل أبيات جزله قافيه مميزه
شاعر مُبدع أمعتنا بهذه الرائعه
كل الشكر وتقبل وُدي

[ماجد الزيد]

علموني وش اسمّي من ترك حبه وراح؟

الاجابة الاولى : خبل ماهو كفو حب الا كان معه عذر

وعلموني وش اسمّي حالتي يا آهل الفصيح؟

الاجابة الثانية : حالة شعريّة رائعة

صح الله لسانك وجاد بنانك

[عذب القوافي]

الجزل / فريد الحرف

صح الله لسانك

نص وافي

من وافي

لله درك يالغالي,,,,,

[عدنان كريزم]

المشاركة الأصلية كتبت بواسطة عبدالله الثويني

صح لسانك وعلى شانك نفس طويل أبيات جزله قافيه مميزه
شاعر مُبدع أمعتنا بهذه الرائعه
كل الشكر وتقبل وُدي

الثويني الغالي ..


صح بدنك يالغلا


ولا هنت على التواجد الجميل منك ..


تحيتي لك

فريد الحرف

[داعي الشوق]

صح لسانك يا فريد الحرف

ولكن هذه القصيدة منشورة بأسماء عديدة و بمواقع كثيرة

فـ ياليت تبلغنا بالمعرفات التي تكتب بها والمواقع الاخرى ؟

وفي نفس الوقت تذيل توقيعك او نفس القصائد في نفس تلك المواقع بإسمك

ولقبك الموجود لدينا والبريد الألكتروني الذي سجلت به لدينا ، فكثرت المعرفات

للشاعر لاتخدمه ولا تخدمنا

فمنتدى الفطاحلة حريص جدا على حفظ حقوق أعضاءة

وأنت منهم

تحيتي لك ،

[حرف وشعر]

فريد الحرف00

مبدع ايها الشاعر الجميل

واصل وأمتعنا

ودي وردي

[حوريه]

عدنان الكريزم

بوح رااائع من شاعر راائع

صح فكرك.....ونبض قلمك

ولا هنتـــ....

[صوت الإحساس]

الله الله الله



صح صح صح صح صح صح صح صح صح لساااانك


عذوووووبه وتمكن وحرفنه

لله درك


حضور مبهر وقاف مطرب


لك ودي ولهكذا حضور جل التقدير والحترام

[سناعيس]

فريد الحرف
صح لسانك وبيض الله وجهك
ولي عوده لهذه الرائعه

تحياتي